Duha ka relihiyoso’ng kalihokan
TINGOG SA KATAWHAN - Romeo Limpangog (Banat) - January 20, 2015 - 12:00am

Gihugopan sa daghang mga tawo ang labing una nga higayon nga pagbisita ni Pope Francis sa katawhang Pilipinhon sukad pa sa una’ng adlaw sa iyang paghidangat sa nasud hangtud na sa iyang paggikan paingon sa Vatican kagahapon.

Sa mga adlaw sa iyang pagpangulo sa mga relihiyoso’ng kalihokan dinhi sa nasud, makita sa panagway sa katawhan ang ilang kahinangop sa pagsud-ong kaniya bisan kun tua sila sa layo.

Sa mga relihiyoso’ng kalihokan nga iyang gidumala sa Manila ug bisan didto sa Tacloban, Leyte  maoy makita ang hilabihan ka daghan sa mga tawo nga bisan sa bati nga panahon apan wala kini makapakgang sa ilang kaikag nga makita ang Santo Papa.

Sa mga adlaw nga gipunsisokan sa mga tawo si Pope Francis mao usab ang mga adlaw nga nagtigum ang mga Katoliko sa Sugbo nga mitambong sa Misa ug prosesyon sa kapistahan ni Senyor Santo Niño ug hangtod na sa pagpahigayon sa Sinulog Grand Parade.

Samtang midagsang ang mga tawo nga misugat ni Santo Papa apan wala usab magpabentaha ang Sugbo sa gidaghanon sa mga tawo nga mitambong sa mga relihiyoso’ng kalihokan sa kapistahan ni Senyor Santo Niño.

Ang kapistahan ni Senyor Santo Niño maoy usa sa mga hinungdan nga daghan sa mga Sugbuanon ang wala na lang moadto sa Tacloban o Manila alang sa pagtagbo kang Pope  Francis.

Sa maong higayon nga daghan usab sa mga taga lainlaing lugar dinhi sa nasud ang wala na lang moanhi sa Sugbo sa pagpamista sa Senior Santo Niño kay ilang gipalabi ang pag-adto sa Manila o Tacloban ug ilang gisugat ang Santo Papa.

Ang mga kakulian nga namugna sa pag-igo sa bagyo’ng Amang nakatampo usab sanglit daghan man ang taga Leyte nga nagtinguha unta sa pag-anhi sa Sugbo aron mamista apan napunggan sa bati kaayo nga panahon kay gikanselar man ang mga biyahe sa barko.

LEYTE POPE FRANCIS SANTO SANTO PAPA SENYOR SANTO NI SUGBO TACLOBAN
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with