Kun kini ang nigawas sa imong damgo, pahinumdom kini nga tingali nahimo nimong tinguha ang mosinati og catharsis diha sa imong tinagoang emosyon. Mga emosyon nga imong gi-suppressed, mga emosyon nga imong gihambin lamang ug wala tugoti nga mapagawas nga usahay nakahatag og kadaut kanimo ug sa imong kinabuhi. Sama pananglit sa kasuko. Dili paigo nga masuko ka ug imo kining gikontrol kay kun mawad-an ka na og control seguro gyud nga moresulta kini og pag-ulbo. Samtang kun maghisgot kita Anger Management, imong giangkon nga nasuko ka ug imo kining gipadayag sa paagi nga dili mapintas ug tukma lamang.