Dear Atty. Divine,
Duna ko’y napalit nga yuta apan portion lang. Duna na mi pinirmahan nga Deed of Absolute Sale ug nahuman na ‘sab og notaryo. Ako nga nasayran nga ang tag-iya nagplano sa pagbaligya sa kinatibuk-ang property, unsa may angayan nako nga buhaton aron dili malakip sa pagbaligya ang portion nga ako na’ng napalit? - Lydia
Dear Lydia,
Ang imong buhaton aron dili malakip sa pagbaligya ang portion sa yuta nga imong napalit mao ang pagpa-annonate niini sa tax declaration sa maong property sa Assessor's Office ug kun titulado kini mahimo usab kini nga imong ipa-annonate sa Register of Deeds. Apan sa dili ka pa magpa- annotate niini kinahanglan bayran una nimo ang Capital Gain Tax ug Documentary Stamp Tax sa BIR ug kun aduna ka nay Certificate Authorizing Registration or CAR mao kana ang imong isubmit sa Assessor's Office aron sa pagpa-annotate sa Tax Dec nga imo na’ng napalit ang portion niini ug ngadto sa Register of Deeds. Ang maong annotation magsilbi’ng notisya sa tanan nga imo na’ng napalit ang portion niini ug hayan dili na kini malakip sa pagbaligya. -Atty. Divine
* * *
Alang sa inyong pangutana ipadala lang sa Legal Corner sa Banat News or email sa flores_divina@yahoo.com ug akong tubagon ang inyong pangutana pinaagi sa ako column.