Temang nalambigit: Pagpadayag sa kaugalingon ingon man pagbati. Usa sa mga nindot nga pahungawan sa tawhanong pagbati mao man ang arte. Apil na niini ang pag-awit. Bisan pa man kun dili kita tanan mga professional singers, apan ang pag-awit atong katungod. Sa matag higayon nga ikaw magdamgo mahitungod sa pag-awit unsa man ang imong nakita? Labaw na nga unsa man ang imong gibati ug unsa ang imong giawit? Nising-al ka ba nunot sa makabungog nga sonata? O niawit ka ba og usa ka masulob-ong awit? Mahinungdanon kini nga imong tan-awon kay basin diha sa imong waking world wala nimo mapahungaw ang imong gibati sa kahadlok nga ikaw hisaypan ug dili paminawon. Usa ka makaalim nga buhat ang pagkanta ug ang matag musika adunay ikasulti mahitungod kanato nga mipili kanila.