^

Sa pagkuyanap sa illegal nga drugas

ARTIKULO - Romeo Limpangog (Banat) - February 7, 2014 - 12:00am

Dili na bag-o ang makapakitbi sa atay nga nahitabong  krimen nga ang nag-una nga nahimong hinungdan mao nga ang  mga suspetsado nga nalambigit niini nagumon sa pagamit sa illegal nga drugas sama sa pagpanulis, pagpamatay, pagpanglugos ug uban pa.

Adunay mga taho nga ang anak adi-adik miunay sa pagpangawat sa mahalon nilang mga butang,  mitulis sa  kaugalingong ginikanan, bana nga miunay pagpatay sa kaugalingon niyang asawa o anak, miunay pagpatay sa kaugalingong inahan ug ang labing bag-o mao ang  gikatahong hitabo sa lalawigan sa Bohol nga ang anak lalaki  nga adik-adik  milugos sa kaugalingon niyang inahan.

Sa kabahin sa atong tigpatuman sa balaod nga maoy gitahasan sa atong kagamhanan sa pagpakgang sa pagkuyanap sa illegal nga drugas nga gipangulohan sa Philippine Drug Enforcement Agency (PDEA) nga giabagan sa kapolisan, National Bureau of Investigation (NBI) ug uban pang ahensiya sa atong kagamhanan daw atong makita nga wala sila magkulang sa pagtuman sa ilang kaakohan.

Daghan na ang nadakpan nga maoy nakaingon sa pagkabalhog sa bilanggoan sa kaso nga giatubang nga kalapasan sa Republic Act 9165 kon Comprehensive Dangerous Drugs Act of 2002.

Samtang gihingusgan sa mga tinugyanan sa balaod ang pagpanakop sa mga nalambigit sa pagpamaligya ug pagpayuhot sa illegal nga drugas wala usab mohunong ang ubang ahensiya sa kagamhanan sa pagpasiugda og nagkalainlain  information and awareness program nga gihimo sa nangaging katuigan.

Apan taliwala sa mga pagpaningkamot sa pagpakgang sa atong kagamhanan sa gihapon ang maong suliran sa katilingban sa gihapon nagpadayon nga daw sakit nga kanser nga walay kaayohan.

Karon kinsa man ang atong mabasol niining walay kasulbaran nga suliran sa pagkuyanap sa illegal nga drugas,  ang mga  tinugyanan ba sa balaod tungod kay ang pipila kanila dili sinsiro sa pagtuman sa ilang kaakohan, ang ato bang kaparian nga nagtudlo sa pagpalig-on sa atong pagtuo ngadto sa Labaw nga Makagagahom o ang  maut ba nga katilingban nga nagpakabuta-bungol lamang sa mga nahitabo sa palibot?”

 

ADUNAY APAN ATONG DRUG ENFORCEMENT AGENCY DRUGS ACT NATIONAL BUREAU OF INVESTIGATION REPUBLIC ACT
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with