^

Ang tigulang nga deboto ni Senyor Santo Niño

ARTIKULO - Romeo Limpangog (Banat) - January 17, 2014 - 12:00am

Magdinagay ug mag-ilogay ang mga deboto ni Senyor Santo Niño sa mohunong nga PUJ nga maningkamot sa pagsakay pauli sa ilang tagsa-tagsa ka panimalay sa nagkalainlain nga mga jeepney stop sa kadalanan sa dakbayan sa Sugbo.

Ang mga drayber ug konduktor nga nagtan-aw sa daghang pasahero nga gusto nga makasakay sa ilang PUJ daw nahimo na usab nga asyuso dili na motarong og hunong alang sa pagpakanaug ug pagpasakay sa mga pasahero kay dili na man sila  manawag alang sa pagpasakay tungod  kay layo pa gani sila  magalumba na man kini  sa pagpanagan alang sa pagkumbayot bisan pa og nagdagan nga kuyaw na hinuon kaayo nga matagak nga makaingon sa pagkaangol.

Nahitabo kini sa tigulang babaye nga miapil sa paggukod sa PUJ nga puno na sa pasahero nga nakakumbayot man tuod tungod  sa iyang pagpaningkamot nga makasakay wala lamang usab damha nga natapigas iyang tiil nga nakaingon sa pagkadakdak sa iyang sampot sa sementadong dalan.

Bisan nagping-it ang tigulang babaye sa gibati tingaling kasakit sa iyang sampot wala gayod kini mohunong sa iyang pagpaningkamot sa pagkapyot hangtod nga nakasakay gayod kini apan ang nakapait kay daghan pa man ang nag-una kaniya ang nakasakay ug  ang uban kanila nangyaka na lang sa luwang kay matud pa sa konduktor nga mahadlok sila og madakpan kun magbutang og extention nga lingkoranan.

Nanaug na lang ang maong tigulang ug sa  daplin nag-ampo kang Senyor Santo Niño ug kusog man ang iyang tingog maoy hinungdan nga daghan ang nakadungog.

“Senyor Santo Niño,” sa tigulang pa. “tabangi intawon kong makasakay kay wala ko’y panihapon gutom na kaayo. Ug dugang pa nakong pangayoon nimo Senyor Santo Niño nga malamdagan unta ang mga opisyal sa goberno nga mopadagan og dagkong sakyanan gikan sa Mandaue paingon dinhi sa Cathedral aron dili mag-ilog og sakay ang  imong mga deboto.”

Wala madugay dihay miagi nga PUJ ug  nagdali dayon sa pagdagan sa pagsakay ang maong tigulang nga babaye  ug ang uban nga pasahero nga nakadungog sa gihimo niining pag-ampo sa Senyor Santo Niño  daw wala na molihok sa ilang gibarogan ug  gipasagdan na lamang nila nga  makasakay tingali   gibati  na  usab na nila og kaluoy nga nagtan-aw niini.

BISAN IYANG MANDAUE NAHITABO NANAUG SENYOR SANTO NI
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with