ENERO 5, 2014: Solemnidad sa Epipaniya sa Ginoo Mga Pagbasa: Is. 60;1-6/Sal. 72/Ef. 3;2-3a,5-6/Mt. 2;1-12
Happy New Year kaninyong tanan! Laing tuig, laing hagit sa panaw ingon nga katilingban. Karong Domingoha atong gisaulog ang Solemnidad sa Epipaniya sa Ginoo diin nahimong sentro sa atong pamalandong ang tulo ka mga maalamon kon mga mago nga nihimo og pagduaw ug pagsimba sa Balaang Bata uban ang pagdala og mga halad nga bulawan, insenso ug mira. Sayod kita nga ang maong mga gasa mga simbolo sa iyang pagkahari, sa iyang pagkapari, ug sa kapait sa sagubangong mga kasakitan didto sa balabag sa Krus sa Kalbaryo.Apan sa laing bahin ang tulo ka mga maalamon ang nipahinumdom kanato nga ang Dios, Dios alang sa tanan ug dili lamang alang sa pipila ka kaliwatan ug kultura. Mahinungdanon kaayo nga sugdan usab ning laing tuig nga mao ang tuig alang sa mga layko ingon nga atong sukaranan diha sa pagkahimong abli alang sa kukabildo ug panagsabot. Kun ang Dios nahimong abli sa iyang kaugalingon, kita pud unta ang mamahimong abli sama kaniya.