Usa sa mga prayoridad ni Gob. Junjun Davide sa tuig 2014 mao ang disaster readiness kun pagpangandam sa mga kalamidad. Dapat lang. Angay gyud nga mangandam.
* * *
Si Yolanda mihatag na kanato og leksiyon. Grabe nga leksiyon ang gihatag sa maong mabangis nga bagyo. Dili mi motuo nga ang maong leksiyon wala masilsil sa panumduman sa usa’g usa kanato.
* * *
Didto sa Los Angeles, California diin dugay nang gihisgot-hisgutan ang Big One nga moigo sa maong siyudad, in state of preparednes ug readiness kanunay ang mga lomolupyo.
* * *
Ang akong manghud nga kapid-an na katuig nga residente sa LA misulti kanako nga ang mga taga-LA wala gyud kapuyi sa pagpangandam ug pag-ilis-ilis sa ilang stock nga groceries diin ang uban nga delata gitaya na ang lata.
* * *
“OK lang ang kahasol sa pagpangandam ug pag-update sa foodstuffs matag karon ug unya basta di lang moabot ang giingong the Big One,†matud sa akoang manghud.
* * *
SA LAING BAHIN ... Naka-feel na sad ko og aftershock (aftershock pa ba gihapon to?) samtang nagsuwat ko niining atong lindog ... Malipayong Bag-ong Tuig sa atong mga higalang magbabasa sa Banat News. Salamat sa inyong nagpadayong suporta.