Lifetime membership sa mga senior citizen sa PhilHealth
SENIOR CITIZENS CORNER - A.M. Dela Serna (Banat) - November 22, 2013 - 12:00am

Kun makatuman lang sa mga kondisyones, ang senior citizen mahimo nang miyembro sa Philippine Health Insurance Corp. (PhilHealth) sa tibuok niyang kinabuhi, bisan kun dili na magbayranan sa binuwan nga kontribusyon.  Kini ang pamahayag ni Alexander Padilla, presidente ug chief executive officer sa PhilHealth. “Members who have reached the age of retirement as provided for by law and paid at least 120 monthly contributions shall be entitled to lifetime coverage, which means they remain covered for life even if they no longer pay contributions,” ni Padilla pa.

So, ang gikinahanglan, at least 120 monthly contributions, apan kinahanglan wala siya’y gainful employment. Apan ang proposal ni Sen. Ralph Recto mao nga regardless indigent o dili ang senior citizen, awtomatik ang PhilHealth coverage.

So, nindot ni alang sa umaabot nga mga senior citizen. In my case, for instance, ambut kun balig pila ra ka mothnly contributions ang akong nabayran. Waa ra ba unta koy gainful employment, sa ato pa, ma-lifetime unta ang akong coverage. Anyway, mga lakang kini sa atong kagamhanan pagpakita sa ilang pagpakabana sa mga panginahanglan sa mga senior citizen, ug pag-ila sa natampo sa nag-unang generation sa kalambuan sa atong nasud.

Samtang sa laing bahin, maghisgot tag kamunggay, nga karon naka-gain na’g international attention gumikan sa iyang pagka-“superfood,” akong usbon, superfood, rich in nutrients and minerals.

Karon ra bang panahona, ang modern generation, ang mga batan-on, daghan na kanila ang waa na makaila sa kamunggay. Labaw pa, mangyam-id lang kun kakita’g kamunggay sa talad kan-anan. Atua na sila sa hamburger, hotdog, spaghetti, sandwiches, fried chicken, pizza, ubp. Di na molingi sa kamunggay.

Atong kutluon si Dr. Raffy Barrozo, organic agriculture expert ug board member sa Moringaling Philippines, Inc., sumala sa migawas sa Internet: “Malunggay is rich in antioxidants that can prevent several lifestyle-related ailments such as cardiovascular diseases, heart problems, high blood pressure, and cancer.” Mahimo ni sa mga pagkaon sa fastfood joints? Padayon: “For every pound, malunggay has seven times more Vitamin C than oranges, three times more potassium than bananas, four times more vitamin A than carrots, two times more protein and four times more calcium than milk.”

Tan-awa lang, unsa ang kamunggay alang sa atong panglawas. Gidasig ni Dr. Barrozo nga ang matag Filipinhong banay magtanom gyud og kamunggay. Ambut gitudlo ba ni sa ato karong mga tunghaan?

Meantime, paminaw sa Senior Citizens Hour sa DYRC, 648 KHZ matag Sabado, 5:00 to 6:00 pm. Tels. 4125249, 4125298. Suginli kuno mi, nag-unsa ang mga senior citizen karon … gawas sa paghuwat sa laing hugna sa pagpanghatag sa cash assistance. Siyaro!

ALEXANDER PADILLA DR. BARROZO DR. RAFFY BARROZO MORINGALING PHILIPPINES PHILIPPINE HEALTH INSURANCE CORP RALPH RECTO SENIOR CITIZENS HOUR VITAMIN C
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with