Nag-inom pa ako og kape uban ang pakigkukabildo nila ni Padre Eric Jecong sa dihang mikalit og uyog ang tibuok palibot sa Holy Family Retreat House sa mga Redemptorists.
Maayo na lang gani kay anaa ko sa ubos ug duol ra pud sa pultahan mao nga nakagawas ako dayon samtang sila si Padre Lito Binondo ang moambak na unta gikan sa ikaduhang palapag. Samtang ang uban nga nisanong sa sugo sa lawas ang wala na nuon makatiwas.Pag-abot sa gawas daghan ang nakaako gihapon sa pagkomedya: "Paneguro gyud kay unsaon na lang ang mga tinigom!" Hehehehe.
Talan-awon kini niadtong nahitabo nga linog nga dunay dakong kadaut apan sa laing bahin dunay implikasyong siko-emosyonal kanatong tanan matigulang man o mabatan-on. Daghan kanato ingon man mga batan-on ang wala gihapon mahimutang mao padayon gihapong pagatay-ugon sa mga panghitabo.
Daghan kanato ang nahimong restless. Daghan kanato ang nahimong focus sa atong mga inadequacies. Daghan kanato ang nahimong haguka mismo sa atong kinabuhi.
Ang tawo nga wala pa mahimutang ang padayon gihapon diha sa pagpangita sa iyang mahimutangan. Sama sa mga batan-on nga padayong nangita sa kahulogan sa ilang pagkinabuhi.