DISYEMBRE 2, 2012: Unang Domingo sa Adbiyento
Mga Pagbasa: Jer. 33:14-16/Sal. 25/I Tes. 3:12-4:2/LK. 21:25-28, 34-36
Unang Domingo karon sa adbiyento, ang pulong nga nagkahulogan og PAG-ABOT. Karong Domingoha usab mao ang pag-implementar sa bag-ong Roman Missal.
Apan ang tinud-anay nga diwa sa Adbiyento nagasukad sa pag-andam sa kaugalingong kasingkasing pinaagi sa paghinulsol ug pagpaubos. Dili ang mga panggawas nga preparasyon (Mga dekorasyon) sa atong pag-andam sa pasko sa pagkatawo. Hinunoa andamon nato ang atong kaugalingon.