Tito Miguel
(Banat) - February 14, 2020 - 12:00am

Dear Tito Miguel,

Itago lang ko sa pangan nga Julia 27, anyos. Naa koy ka live-in nga edaran nga German, si  Brent, 8 years nami nga uyab. Naay anak si Brent ug naa kini 7 years na nga live-in partner. We live in one house kay pinangga man ni Brent iyang only son. Kadaghan nga higayon nga manguha sa akong mga sinena ang ka live-in sa anak ni Brent apan wala lang gyud nako kini gikompronta kay dili mosugot si Brent kay para wala'y gubot.

Usahay ganahan na ko nga mohawa sa balay pero dili nako mabuhat kay love nako kaayo si Brent ug niingon siya nga kung mouli na ko sa amoa, buwag na gyud mi.

Wa gyud nako na feel nga iya ko ipaglaban. Pero pinangga man kaayo ko niya sukad college ug karon iya ko gisuportahan sa akong mga needs ug wants. Usahay, sad ko sa among sitwasyon kay wa gyud nako na feel nga asawa ko niya kay wa gyud ni siya niingon nga pakaslan ko niya. Wa gyud koy karapatan niya.

Wala ko nag-apas sa iyang kuwarta pero ma-feel lang nako nga wa koy worth para niya. Pero di gyud ko kabuwag niya kay love man nako siya. Ako na lang tan-awon ang gamay nga nindot kay kung maghunahuna ko sa bati kay ma-stress ra ko. Palihug tambagi ko. —Julia

Julia,

Masabtan nga mangita ka sa ugma ninyong duha ug para nimo ang kasegurohan kinahanglan ka pakaslan. Wala’y garantiya sa kinabuhi ug sa tanang matang sa relasyon, maski ang kasado dili sigurado. Ang importante malipayon mo sa usa’g-usa. Apan kun ang kahaw-ang mohulip na sa imong kalipay, pangutana niya kun duna ba ka’y mapaabot samtang ang panahon nilabay.

Kun sa iyang tubag di ka matagbaw, mahimo na ka molakaw aron masukod nimo asa siya kutob. Kay kun tiunay nga gimahal ka niya, nganong ihikaw niya ang kalinaw ug katagbaw? Ang konkretong tubag makita nimo kun sa imong pagbiya gukdon o pasagdan ba ka niya.

Di malikayan magbangi mo sa iyang anak ug kapuyo niini kay naa mo sulod sa usa ka balay. Maski unsaon nimo’g sabot, lihay ug paubos, di mahimo inyong dalan dili magkuros. Maski unsa ka dako ang panimalay, para sa duha ka magtiayon kini mogamay.

Kun ang imong kalipay kuyog niya labaw sa inyong bangi, agwantaha ang ginagmay’ng panagsungi.

Usba imong reaksyon sa ilang binuhatan. Inay nga sa pagkuha sa imong sinina ikaw magbagutbot, suwayi’g hatag niya’g bag-ong sinina kay basin diha pa mo magkasinabot.

Kun gisamokan ka sa anak ug iyang kapuyo, utro pud silang gisamokan nimo. Gani para nila, sila ang dunay katungod sa balay kontra nimo nga estranyo.

Apan kun malipayon ka bisan pa sa iyang kakulangan ug iyang anak ug kapuyo nga mga kalapasan, dawata ug ikatagbaw ang unsay naa. Ayaw hunahunaa’g maayo inyong ugma, ang uban gani wala’y karon, nag sige la’g handom sa ilang kagahapon. Valentine's ra ba karon, dili adlaw sa pagdahum.

Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with