Tito Miguel

Dear Tito Miguel,

Ako si Charisa , 24 years old ug nagtrabaho isip call center agent.  Tulo ka tuig na among relasyon ni Jan-Jan. Thirty-eight years old na siya.

Buotan si Jan-Jan. Buwag na siya sa iyang asawa diin aduna silay duha ka mga anak. Wala raman ko nag-mind sa iyang kagahapon.  Nagkauyab mi nga wala na sila sa maong babaye maong okay ra gyud kaayo ang dagan sa among relasyon.

Ako ang babaye nga duna pu’y pangandoy nga makaangkon og own family.Apan ang problema kay dili gyud mi makasal ni Jan-Jan kay pinakaslan man niya ang una niya nga babaye.

Dili gyud interesado si Jan-Jan ug ang ex  niya nga mo-file og annulment . Para nila hasol ug gasto na kuno kaayo. Pero sa akong part ,nakaingon ko nga forever nalang diay live  in partner ang istado nako ani ron.

So dili mahitabo ang dream nako nga mahimo ko nga legal wife. Magpatambag ko nimo Tito Miguel, ako nalang kaha i-give up si Jan-Jan?  Salamat.

Charisa

* * *

Charisa,

Ayaw usa og give-up. Instead, hatagi siya’g ultimatum nga kun dili siya magpa annul, ikaw mobiya tutal wala pa man kaha mo’y anak nga sa inyong pagbuwag maapektohan. Maski duna, angayan ka mobiya kun di siya kahatag og igong balor sa imong gusto nga sa balaod maoy husto.

Kun ang iyang problema gasto, mapangitaan kini og paagi sa hinay hinay. Duna ma’y mga abugado nga mahangyo’g di magpabayad og bulto, puede man installment hangtod mahuman ang kaso. Angayan nga iya kining buhaton aron mapakita nimo iyang respeto ug unsa siya ka seryoso nimo. Sa imong bahin, masukod nimo unsa kalawom iyang pagmahal nimo.

Ang imong pagpangayo og kasal dili kinaham sa usyoso, kini lehitimo nga paagi nga inyong ugma isip magtiayon mainsakto. Kun para niya makahasol ang kaso gawas sa gasto, aw dili siya andam para kanimo mo sakripisyo. Gani, di man hasol ang petition for annulment kay daghan na ang ka upat ka vista sa usa ka tuig. Pila ra man na kumpara sa imong sense of security and peace of mind nga kanimo iya unta isablig.

Kun siya magdumili paghikay niini, senyales na kana nga sa imong damgo wa ka niya kuyogi. Ang pagbiya dili sayon, pero mas lisod ang magpabilin sa relasyon nga wa’y kaugmaon.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.