Love Story

Dear Banat News,

Maayong adlaw sa  tanang nagsunod sa Love Story sa  Banat News. Basta  Martes na gani, excited kay ko mobasa og Banat News, ug ang Love Story gyud ang una nakong basahon. Ako diay si Teresa, 24 years old  ug nagtrabaho sa usa ka coffee shop.

Upat ka bulan nako nga single  ug ako lang i-share ang last nako nga love life  nga  naputol gumikan kay wala nako kaagwanta sa batasan sa lalaki.

Akong katapusang boyfriend  mao si  John Niño, 25 anyos. Usa ra siya ka tambay, ug nagsalig lang sa iyang ginikanan. Wala ko maghunahuna sa iyang background tungod lagi kay love nako.

Seguro naabot ra pud sa punto nga nalouy nako sa akong self maong ako na lang gyud siya nga gi-give-up.

Nagkaila mi tungod sa mga tupo-tupo sa among suod nga friends. Dili ra ba gyud pormal ang among pagka-uyab. Maong nagkauyab mi kay amo na lang gisabot ang among mga lihok ug ang sweet namo nga mensahe sa usa’g-usa.

Ang batasan ni John Niño kay dili masabtan. Mokalit lang og kabugnaw  ug pila ko ka adlaw nga dili tagdon. Ako lang na lang gani permi mosabot bisan wala ko kahibalo unsa akong nabuhat nga dautan niya,

Pero bisan unsaon nako og hunahuna wala man gyu’y nabuhat nga dautan sa higayon nga musuol ang batasan niya nga walay ayo. Luoy kay ko sa una kalit lang siya dili mo-contact nako, unya maabtan gyud og  pipila ka semana. Kun mo-communicate man gani siya og balik mura ra og wala’y nahitabo ug dili gyud mangayo og sorry.

Ako pud intawon nga mahadlok nga magbuwag mi, dili na lang nako ukayon ang batasan nga  sul-anon.

Makapila na niya nga gibuhat nako ug igo na lang ko mohilak. Kay kun awayon nako siya nga text o chat, igo ra man siya modedma.

Naka-feel ko nga mura’g wala man siya’y gana nako uy. Apan kun maayo gani ang dagan sa iyang utok, mogawas pud ang iyang pagka-sweet, maong mahupas ra pud akong sapot niya.

Siya ang tawo nga lisod kaayo sabton,  insensitive kaayo siya  kay dili siya maghuna-huna sa akong bation sa higayon nga dili ko niya tagdon og kalit.

Makalagot gyud baya nga mabugnaw nimo ang usa ka tawo nga wala kahibalo sa rason, unya magparamdam napud og balik nga mura ra og wala’y nahitabo.

Tungod sa iyang batasan nga makalabad sa akong ulo nakahukom na gyud ko nga ako siya nga i-give up. Sa last niya nga paglinabad, wala nako mopatol  ug wala nako mo-adjust. Ako siyang gipasagdan ug wala nako manumbaling niya sa dihang nagparamdam siya og balik.   Ako siyang giprangkahan nga magbulag na lang mi kay gikapoy nako. Dili siya ganahan nga magbuwag mi, apan tibuok na akong desisyon. Nakaingon ko sa akong self, kalouy sad nako uy, nausik ra gyud akong panahon niya. Sa tinoud lang, daghan nidiskarte nako sa una sa dihang uyab pami, apan akong gibaliwala kay naka-focus ko niya.  Wala man niya nakita akong effort para sa among relasyon. Sayun-sayunon ra man ko niya.  Bahalag sakit, ang importante nga nakalingkawas nako sa walay ayo nga relasyon. Mo-request lang ko sa lyrics sa Binalewala  by Michael Libranda.

Hi Teresa! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News