Love Story
(Banat) - November 12, 2019 - 12:00am

Dear Banat News,

Nalipay kay ko  nakahigayon na gyud ko og suwat  sa  story sa akong love life sauna.

Suki gyud ko sa Banat News ako diay si Alfrey, 28 years old ug nagtrabaho isip call center agent.

Ako lang ipaambit  ang akong lovelife, nga dugay na nga  nahupas. Nagkabuwag na mi sa akong last nga na-uyab nga si Mary Jane, 25 years old, usa ka teacher. Tinuod  siguro ang  panultihon sa uban nga kasagaran sa  mga maestra kay dili na magminyo tungod sa ka-busy sa ilang trabaho.

Nagkauyab mi ni Mary Jane tungod ra pud sa tupo-tupo sa among common friends.  Na-develop mi sa usa’g-usa maong nagkauyab mi. Niadtong tungora, estudyante pa man si Mary Jane ug grabe gyud ang akong effort kaniya.

Gabii man ako duty sa call center, maong matulog gyud ko panahon sa buntag. Pero inig-abot og alas tres sa hapon, momata gyud ko, ako sunduon si  Mary Jane sa iyang eskwelahan.  Gusto nako nga ako gyud siya ihatod sa pag-uli.  Bahala’g kapoy kaayo ang akong lawas, basta ang importante nga masiguro nako  nga safe siya sa iyang pag-uli.

Matag weekend, bisan asa lang mi mag-date,  adto mi sa bukid , usahay adto pud sa dagat.

Makaingon gyud ko nga grabe kalig-on sa among relasyon. Dili kaayo mi maglalis ug grabe pa gyud ang pagdawat sa among tagsa-tagsa namo nga pamilya sa among relasyon.

Hangtud nga ni-graduate si Mary Jane sa kolehiyo  ug grabe na pud siya sa ka-busy kay lagi nag-review siya hangtud  nga nakapasar siya sa examination, hinungdan nga usa na siya ka licensed teacher. Suwerte kaayo si Mary Jane gumikan kay pipila ka bulan sukad siya nakapasar, nakatrabaho dayon siya sa usa ka public school.

Sukad siya  nag-work  isip maestra mosabot ra gyud ko sa iyang ka-busy. Panagsa na lang mi magkita. Naa mi mga date nga ma-cancel lang og kalit kay dugay siya makagawas sa  work tungod sa gimbuhaton.

Kanunay nako nga gisabot ang iyang ka-busy. Nasayod ko nga dili lalim ang trabaho sa maestra maong wala gyud ko kasuway nga nireklamo ko sa iyang ka-busy.

Pag-abot og pipila ka bulan, dili ko kalimot, Christmas vacation sa public schools. Nagkasinabot mi nga mag-overnight sa usa ka resort sa Moalboal.

Grabe ka seryoso ang among panag-istoryahanay ug grabe ang pasumbingay ni Mary Jane nga  angayan na namo dawaton nga mag-friends nalang mi.

Ako siyang gikuti-kuti kun unsa ang pasabot sa iyang gisulti, mura ko og nagpabungol-bungol nga kunohay wala kasabot sa iyang giingon. Giprangkahan dayon ko niya nga magbuwag na lang mi kay dili na daw niya makaya ang ka-pressure sa iyang trabaho ug dili siya ganahan nga modungag pako sa iyang stress.

Gihangyo nako siya og maayo nga dili ko niya buwagan apan tibuok na gyud ang iyang desisyon.

Sige ko og pakilouy niya, pero dili gyud madala sa akong hangyo. Nangayo si Mary Jane sa akong pagsabot.  Wala na koy mabuhat ug igo na lang ko sa pagdawat sa among break-up. Nakadungog ko og tsika nga daghan na karon ang nidiskarte ni Mary Jane sukad mi nagbuwag kay guwapa pud baya siya. Pero nalipay ko nga nakadungog nga puros ra kini gipangbasted ni Mary Jane, nga naka-focus ra gyud siya sa iyang pagka-maestra.  Wala ta kahibalo, basin  ako ra gyud diay ang iyang destiny pero dili lang ko magdahom kay basin masakitan ra sad ko og balik.   Mo-request lang ko sa lyrics sa favorite song namo sa akong ex-girlfriend, ang More Than Words by Extreme.

Hi Alfrey! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News

LOVE STORY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with