News
(Banat) - September 2, 2019 - 8:28pm

Dear Banat News,

Maayong adlaw mga  suki  sa kinaham kaayo nako nga mantalaan. Suki gyud sa Banat News  ang among family ug malingaw gyud ko sa Love Story matag Martes.  Ako diay si Verina, 30 years old, nagtrabaho isip call center agent

Taod-taod nako nga wala’y lovelife. Katapusan nako nga nauyab mao si Anjo, nga nagtrabaho pud isip call center agent apan sa laing company.

Ako siyang naila-ila kay kauban sila sa trabaho sa akong close nga higala. Natayming  to nga birthday sa akong higala  ug imbitado pud siya maong nagkaila mi. Sa dihang gipaila-ila mi sa usa’g-usa nabantayan dayon nako nga magsige na siya og tan-aw nako.

Niuna ko og uli ug wala ko magdugay sa birthday party. Pag-abot nako sa amo nakadawat ko og notification sa Facebook. Sa dihang gi-add bitaw ko ni Anjo. Ako dayon siya nga gi-accept.

Wala abti og minuto gikan sa pag-accept nako nagpadala dayon siya og message.

Niana siya nga  ganahan daw siya nako. Igo rako nikatawa, kay common na kaayo na nga linyaha sa mga lalaki. Bag-o pa gani mi nagkaila, feeling close agad?  Yati ra!

Panagsa ra ko mo-reply sa iyang mga chat kay samokan gyud ko niya. Naliki lang ko, kay dili gyud ko niya lung-an.  Sige naman hinuon siya og padala og chocolates  nako. Iya ra ipadala sa akong suod nga higala.

Wala ko ga-expect nga tungod sa iyang pagkasamokan, ako na hinuon siya nga napansin.

Sa pagsige niya og jam sa among friends, ako na siya nga naila-ila og maayo. Hangtod nga nagkasinabot mi nga mag-date.

Tulo ka bulan nga sige mi og date ug wala malikayi nga na-develop ko niya. Busa sa dihang nanguyab siya nako ako dayon siya nga gisugot.

Pag-abot og usa ka tuig ug tulo ka bulan isip mag-uyab, didto nahitabo ang akong gikabak-an, ang  breakup.  Dunay time nga nag-date mi sa usa ka coffee shop, nahibulong gyud ko ni Anjo nga grabe ka seryoso ang nawong ug nagtulo ang mga luha.

Grabe ka kakulba  walay nasulod sa akong huna-huna kun unsa ang iyang isulti.  Dugay kaayo siya nakatingog ug didto ta nitulo akong luha sa dihang nisulti siya nga kinahalanglan nami nga magbuwag.

Nablanko ko ug nahibulong kun unsa ang rason niya kun nganong kinahanglan mi nga magbuwag.  Sa pagsige nako og pangutana niya, nisulti na gyud siya nga nakapamabdos siya sa kauban niya sa trabaho ug didto siya nitug-an nga dugay na sila nga ka char-char sa maong babaye ug wala gyud sila kapugong sa tentasyon.   Sige ko  og hilak wala man unta mi nag-away apan na ingon ani naman hinuon ang among sitwasyon. Wala nakoy mahimo bisan sakit pero ako na lang dawaton. Paet bitaw kaayo nagtuo ka nga kamo na gyud ang magkadayon hangtud sa hangtud apan kalit ra diay maputol nga dili na puwedeng masumpay.   Mo-request lang ko sa lyrics ug chords sa Jar Of Hearts by Christina Perri.

Hi Verina! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News.

NEWS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with