Love story

Dear Banat News,

Maayong adlaw sa mga suki sa Banat News. Ako diay si Ricar, 21 years old ko karon ug naa unta koy i-share nga story bahin nako ug sa akong ex-boyfriend. Na-engganyo ko  og padala sa ako love story, kay duna koy nabasahan dinhi sa una nga same og story sa akoa, naka-relate gyud ko og maayo.

Sukad nga nag-eskwela ko og college sa usa ka university, naila-ila nako ang cute kaayo nga guy nga si Jude.

Classmate mi sa usa nako ka minor subject. Ganahan kaayo ko niya kay gentleman ug bright pa gyud.

Wala gyud ko mohimo og moves kay lain kaayo paminawon nga mag-una una ang babaye. Nangita lang ko og paagi nga magkasuod ug mapansin niya ang akong beauty. Naabot gyud ang mga adlaw nga nagkasuod mi ug permi na mi magdungan og lunch ug kanunay na pud mi sungogon sa akong friends.

Wala ko ga-expect nga ma-develop si Jude kanako, nidiskarte siya, siyempre, ako dayon nga gisugot kay ganahan baya ko niya. Nindot kaayo sa feelings nga mauyab nimo ang lalaki nga imong giganahan. Grabe kaayo siya ka-sweet nga uyab ug caring pa gyud kaayo. Gipaila-ila na nako siya sa akong pamilya ug welcome usab siya sa akong barkada tungod sa iyang kabuotan. Bisan kinsa seguro nga girl, makaingon gyud nga perfect na kaayo ang guy nga buotan ug guwapo.

Daghan ang nagsige og flirt ni Jude apan puros niya gidedma. Pabasahon ko niya sa mga tawong mo-text ug mo-chat niya. Nakita gyud nako nga honest gyud siya ug dili gyud siya magpatintal sa ubang girls. Ang nakanindot pa gyud kay dili siya seloso nga pagkalalaki busa matawag gyud nga malinawon ang among relasyon.

Apan pag-abot og siyam ka buwan sa among relasyon, katagsa na lang magpakita si Jude nako. Ang rason niya kay busy siya sa iyang projects. Naabot na pud ang time nga tagsa na lang gyud siya mo-text nako, niabot og pila ka semana nga nagka-walay klaro ang among relasyon tungod sa iyang ka-busy. Kay love man nako nisabot ra ko pero duna ko’y nadunggan na nga mga istorya gikan sa ubang tawo.

Dunay nisulti nako nga maya daw si Jude apan wala ko nituo dayon. Lalaki man gud kaayo ang linihokan niya  maong wala gyud ko nitoo sa tsismis.

Pero dili malikayan nga dili ko mahimutang sa mga istorya maong ako na lang gibantayan ang mga lihok ni Jude. Dugay nako nakabantay nga duna gyud siya’y permi ka-text nga ginganlan Jan, moana siya nga iyaha daw nang best friend nga classmate niya pag-high school . Sa una pa gyud, salig nako kang Jude  maong dili mi hilig mangukay sa tagsa-tagsa namo ka mga cellphone.

Dunay higayon nga nag-overnight mi niya sa usa ka resort. Samtang natulog si Jude, akong giukay ang inbox sa iyang phone ug didto gyud nako nabasahan ang sweet kaayo nga conversation nila ni Jan ug naka-conclude ko nga uyab diay sila anang lakiha.

Mao to akong gi-confront si Jude  pagka-sunod adlaw niana. Ako na mismo ang nihukom nga  humanon na namo ang among relasyon ug ako na lang siya pasagdan nga ma-happy kang Jan. Ako ihatag ang gusto niya nga kalipay. Gidawat niya ang akong hukom ug grabe ang pagsige og sorry niya kanako. Niangkon siya nga kadtong time nga wala’y klaro ang among relasyon, mao to nga higayon nga nibisita diay sa Cebu si Jan  ug sila ang nagsige og uban. Ako siyang gipasaylo kay wala na man koy mahimo ang importante nga ako siyang buhian aron matagamtam niya ang tinud-anay nga kalipay uban kang Jan.  Request lang ko sa lyrics sa Cant Take My Eyes Off You by Joseph Vincent.

Hi Ricar ! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News