Dear Banat News,
Hello sa tanang readers sa Banat News tawga lang ko og A, 28 years old ug nagtrabaho sa usa ka accounting firm.
Suki gyud ko sa Love Story matag Martes , kay malingaw gyud ko mobasa. Karong panahona, inspired ko, pero wala koy uyab ha.
Feeling nako, mura rapud ko’g naay uyab nga nag-char-char gihapon mi sa akong ex-girlfriend nga si M. Tulo ka tuig nami nga buwag ni M, gani naa na siya’y laing uyab. Pero nahibulong ko, pag-August, kalit man siya ni- communicate nako uy.
Ambot naunsa man ko uy, ako raman sad gisakyan ang iyang pag-char char nako ug gikilig man sad ko. Hinuon naa gyud sa akong hunahuna nga dili gyud mi puwedeng magbalik kay naa baya siya’y uyab.
Nag-enjoy raman sad mi sa among sitwasyon karon, kay bisan ex na nako siya, sweet gihapon ang among teksanay.
Maayo nalang gani kay wala gyud siya masakpan sa iyang uyab. Sekreto mi nga mag-date , siyempre adto gyud sa mga mingaw nga lugar aron dili mabulilyaso.
Basta nagsabot na gyud mi nga dili puwedeng magbalik.Kahibalo ko nga sayop gyud ang among gibuhat, pero maglisod kog undang kay na-enjoy ug nakilig man gud ko.
Para nako challenging jud kaayo ang among sitwasyon, mao seguro nga nalingaw ko og maayo.
Duna pu’y mga time nga naay mahitabo namo, ilabi na kung mag-overnight mi sa usa ka mingaw nga resort.
Nakahibaw ang akong barkada sa akong gibuhat, permi ko nilang badlungon , pero wala jud ko mopatuo nila.
Sa pagka-karon, ako na lang giandam ang akong kaugalingon nga ako rapud ang masakitan puhon ilabi na kung maabot ang adlaw nga kinahanglan na namong putlon ang among pag-char char. Lisora ibuhi aning sitwasyona uy manghinaot lang ko nga dili mi masakpan sa uyab sa akong ex.
Wala ko kasabot sa akong gibati kung nganong mopilit jud ko sa akong ex nga si M.
Seguro kung maabot ang panahon nga magkabuwag sila sa iyang uyab, basin kami seguro ang magkadayon.
Ang nakapait lang sa among sitwasyon karon, kung dunay mga espesyal nga okasyon, sama sa valentines day o birthday niya, siyempre sa iyang uyab gyud siya makig-uban. Mosabot na lang gyud ko, kay ako ra baya ang naki-insert sa ilang relasyon. Dili man sad matag-an ang dagan sa panahon. Ako na lang i-enjoy ang present nga sitwasyon namo karon. Bahala na kung unsay mahitabo ugma. Mo-request lang ko sa lyrics ug chords sa Kabet by Kyla and Gagong Rapper.
Hi A! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News