Dear DJ Jacky G,
I’m 30 years old. Ang ako’ng uyab 23 years old, wala’y trabaho. Mingaw kaayo ang amo’ng relasyon kay wala man siya’y kuwarta. Dili ‘sab ko mogasto no! Dili pa g’yud ganahan ang ako’ng family niya kay tapulan kuno. Pero love ko niya Jacky. He is trying everything para maka-work, bisan sa construction. Naglibog ko. Unsaon man ko niya pag-buhi? Angay ba nako siya’ng buwagan kay pobre siya? - Mish
Dear Mish,
At 30 years old, kun wa pa man galing ta’y kaugalingon’g pamilya, maghuna-huna na g’yud ta about having our own families. So di ko ka-blame nimo for being practical. Importante baya g’yud ang kuwarta. Ingon ka, love ka niya. Ikaw, love ba nimo siya? How much do you love him? Kaya ba nimo siya’ng ipaglaban sa imong pamilya? Ug angay ba g’yud siya’ng ipaglaban? Mish, dili man siya ra ang angay maningkamot para sa inyong future. Dapat kamo’ng duha. Dili nimo siya angay buwagan tungod lang sa iyang kapobre. Dili man pud dako kaayo’ng issue ang inyong seven-year age gap as long as magkasinabot mo. Kay kun kamao maningkamot, naa’y abilidad ug ambisyon, puwede kaayo’ng moasenso. Pero kun tapolan g’yud ni siya sama sa gisulti sa imong pamilya, mao na’y lisod. Ikaw ra g’yud ang maka-desisyon if he’s worth fighting for. – DJ Jacky G
* * *
Kun gusto kang ma-feature sa DDJJG, i-like akong FB fanpage ug i-private message imong problema sa: www.facebook.com/djjackyg and follow me on IG: www.instagram.com/djjackyg. Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!