Dili lang ko moakusar sa La-bor Arbiter (huwes sa Labor Case) nga nagpasayopsayop aron paboran imong amo. Moapelar lang ta sa National Labor Relations Commission kon NLRC aron pamatud-an nato iyang sayop†ni Atty. Rudy Panisi ngadto’s iyang kliyente nga si Miss Clara Baniyas.
Naghinabi sila sulod sa bupete sa abogado ning sayong kahaponon. Gipabasa ni Rudy ang kliyente sa hukom sa Labor Arbiter nga dili siya kabayaran og separation pay kay AWOL siya ug gihukman nga dili illegal dismissal ang pagtaktak niya sa trabaho.
26 ka tuig sa serbisyo si Clara sa iyang amo nga nagnegosyo og dry goods. Sales clerk siya. Way bisan gamay nga mansa sa record sa iyang serbisyo. Way late o absent o bisan unsang kalapasan. Sa nilabay nga unom ka bulan, nagpahibawo siya’s iyang amo nga dili na siya motrabaho. Kay duna siya’y gipamati sa lawas. Gusto na lang siyang mangayo og pabawon.
Wa na siya tagda sa iyang amo. Unya dangta’g usa ka bulan, gisulatan siya’s iyang amo nga potbol o terminated na siya. Wa siya’y madawat bisan peso. Nikiha siya sa Labor Arbiter inabagan ni Rudy. Gilakip sa Position Paper ang Medical Certificate nga nagmatuod nga may sakit si Clara ug girekomendar sa doctor nga papahuwayon siya.
Mabasa sa hukom sa Labor Arbiter nga nataligam-an sa huwes ang Medical Certificate. Matud sa Labor Arbiter nga wa kapamatuod si Clara sa iyang sakit kay wa nisumiter og Medical Certificate.
“Matawag nato nga overlooked evidence ang imong Medical Certificate kay gilakip man nato sa imong Position Paper nga gisumiter nato sa hukmanan†ni Rudy. “Unsa may mapaabot nato sa NLRC?†ni Clara.
“Kombinsihon nako ang NLRC nga sayop ang hukom sa Labor Arbiter. Kay ang additional evidence puwede man maka-reopen sa kaso. Labi na ning overlooked evidence. Kay sukad sa sinugdan, nia man ning Medical Certificate nimo daan. Nalipatan lang sa Labor Arbiter†ni Rudy.
“Manghinaut lang ta nga di lang gihapon malipat ang NLRC†ni Clara. Nanghupaw. “Ampo lang ta,†ni Rudy. Siya ray matang sa abogado nga nisalig lang gihapon nga hikapon sa Diyos ang mga kasingkasing sa mga maghuhukom. (Kataposan)
BANAT INBOX