Gula 2
Tungod sa pagsigi’g kasayop pagdayal sa babaye sa numero nga iyang gusto’ng tawgon ug adto gayud mapunta sa numero ni Nards, gitanyagan na lang niya kini nga maghigala na lang sila.
“Amigo na lang ta ha? Ako si Nanet,†paila sa babaye didto sa pikas linya. “Nards ‘sab ang akong ngalan Netz,†nagpaila usab si Nards ngadto sa babaye.
Nahibaw-an ni Nards nga si Nanet manawag ‘sab diay unta sa iyang amiga nga si Doris apan mosipyat gayud ang pagdayal sa iyang touch screen nga selpon.
“Basin og depektoso na ang touch screen anang imong phone Netz mao nga mosipyat pagdayal,†giingnan ni Nardz si Nanet. “Yuna, mora’g daku-daku ka na karon og maiban sa imong load Netz,†dugang ni Nards.
“Walay problema uy, Globe Duo man kining ako nga numero, bisan og tibuok adlaw pa kita nga magsultihanay mao ra gihapon ang bayad,†pasabot ni Nanet.
Nagkasabot usab diay sila si Nanet ug Doris nga manuroy sila sa SM City aron pagpalabay sa oras. “Kun mao tukma kaayo Netz, magkakita ta karon kay manuroy usab mi ug ang akong higala nga si Leo,†giingnan ni Nards si Nanet.
“Sige, tawgon tika unya Nards kun tua na kami didto,†matud ni Nanet nga paraygon kaayo’g tingog. Mora’g nahuna-huna ni Nards nga giswerte siya karon kay makabaton siya’g bag-ong higala.
Nag-expect si Nards nga gwapa g’yud tingali si Nanet kay paraygon man kini kaayo’g tingog. Taud-taud miabot si Leo. Apan igo ra kini nga nagpahibalo nga dili siya madayon sa pakigsuroy kang Nards kay gitawgan siya sa iyang igsoon nga papaulion dayon sa Barili.
“Emergency kuno bai. Wala magsulti og unsa. Mosirit dayon ko karon bai pagpauli sa Barili kami ug ang akong manghod,†matud ni Leo.
Nagdali nga mibiya si Leo. Naghuna-huna si Nards kun mopadayon pa ba kaha siya pag-adto sa SM nga wala na man siya’y kauban. Nakahinumdom siya kang Nanet.
Giteksan niya si Nanet nga dili na lang tingali modayon pag-adto sa SM kay wala na siya’y kauban. Mitawag kaniya si Nanet.
“Ako ‘sab bitaw gitawgan ko ni Doris nga dili na ‘sab siya makadayon pagsuroy kay emergency ‘sab kuno kay may dinalian siya nga adtoon sa ila. Kita na lang ang manuroy Nards†matud ni Nanet.
Wala dayon makatingog si Nards. Wala siya masayud kun tangdoon ba si Nanet. Iya man gud nga nahuna-huna nga kun laksot uroy og panagway kining babayhana, mauwaw siya nga makigkuyog.
Apan nahukman niya nga tangdoon na lang nga sila na lang ang magdeyt. – (Sumpayan)