Saag nga text message Gula 7
Wala dayon mopauli si Efren kay gipanid-an usa nila unsay epekto sa tambal nga giinum sa inahan sa dalaga. “Ayaw kabalaka Claire, kun kinahanglan nga ipa-admit sa ospital ang imong Mama, ato siya nga ipaadmit,†giingnan ni Claire si Efren.
Nakahilak si Claire tungod sa kalipay nga nakadungog sa gisulti ni Efren kaniya. Migakus si Claire kang Efren. “I love you Efren,†giingnan ni Claire ang ulitawo dungan sa hugot nga gakus.
“Ayaw ibaylo ang imong gugma sa akong pagtabang nimo Claire gawas lang kun tinuod nimo ako nga gimahal,†matud sa ulitawo. “Wala ko masayup, paspas kaayo ang pagturok sa akong pagbati para kanimo tungod sa imong kabuotan,†dali nga tubag ni Claire.
Nagparayganay dayon sila si Efren ug Claire.Taud-taud, mitindog si Claire ug mikuha sa thermometer ug gisukod ang kainiton sa panglawas sa iyang Mama.
Nakapahiyom si Claire nga nagtan-aw sa resulta. “Normal na Ma ang imong kondisyon. Wala ka na’y hilanat,†giingnan ni Claire ang inahan. Mibalik dayon si Claire sa nahimutangan ni Efren ug gigakus na usab niya ang ulitawo sa kalipay.
Nakita nila nga migawas sa kwarto ang inahan ni Claire nga nagpahiyom. “Imo diay siya nga boyfriend Claire? Salamat kaayo Dong sa pagpalit nimo sa tambal para nako,†matud sa Mama ni Claire.
“Walay sapayan Ma’am,†nagpahiyom si Efren nga mitubag. “Tana Claire, palitan nato og lamian nga makaon si Mama nimo aron mosamot nga modali ang iyang kabaskug,†giingnan ni Efren ang dalaga.
Wala na motubag pa si Claire apan masabot kaayo nga may kaikog siya ni Efren nga nahimo niya nga bag-ong boyfriend. Tuod, nagkuyog sila nga namalit og makaon sa duol ra nga T. Padilla market.
“Sige Ma’am pagbusog g’yud para dali ra ang imong kaayohan,†matud ni Efren samtang nagdungan sila’g pangaon. Nasayran ni Efren nga patay na diay ang amahan ni Claire ug sila na lang ang nag-uban pagpuyo kay bugtong anak ang dalaga.
Nakamatngon sila si Claire ug Efren nga miabtik na ang panglawas sa inahan sa dalaga. “Mouna lang ko’g higda nimo Claire kay para makapahuway g’yud ko’g maayo. Salamat kaayo Dong Efren ug pagsultihanay lang kamo diha si Claire.â€
“Karon nga may relasyon na kitang duha, dapiton ka nako nga anhi na lang higda sa balay Fren. Nasayud ko nga dili nimo ko binuangan,†giingnan ni Claire si Efren.
Nagparayganay dayon silang duha. “Dali adto ta sa akong kwarto kay basin mogawas pagbalik si Mama makit-an unya ta,†matud ni Claire. (Katapusan)
- Latest
