Makabawi kaha si Richard Gutierrez sa medyo hinay nga box-office performance sa last movie niyang "Seduction"? Base sa first team-up nila ni Marian Rivera entitled "My Best Friend's Girlfriend" nga ni-click sa takilya, duna sila’y daghang followers. Mao ni ang rason nganong gibalik ang ilang team-up via "My Lady Boss." Dili magpa-seksi diri si Richard kundi magpakatawa ug magpakilig sa romantic scenes nila ni Marian. Busy karon ang sikat nga tandem sa promo sa movie.
Pag-enjoy sa summer
Panahon sa pag-relax ang summer. Medyo menos ang stress karong panahona kay way klase ang mga bata ug way tun-anan nga hunahunaon. Diay mga paagi nga girekomenda sa mga eksperto para masulit ang bakasyon.
1. Biyahe. Mobakasyon kauban ang pamilya ug mga amigo/amiga. Dili kinanglan magdali-dali kay way eskwelang problemahon.
2. Ayaw pagtinir sud sa bay. Biyai kadiyot ang computer. Ang summer panahon nga mogawas ug mo-enjoy sa maayong panahon. Mag-swimming sa dagat o sa swimming pool. Maayo sad nga magduwa og outdoor games sama sa volleyball ug badminton. Pwede sad mag-bike .
3. Kung gustong magpa-tan, dili palabian. Importanteng magpahid og sunblock sa face ug sa tibuok lawas para proteksyon.
4. Enjoy og kaon-kaon og ice cream, milkshake, halo-halo, shakes ug uban pa para mabugnawan ang lawas. Inom og daghang tubig.
5. Panahon nga mosul-ob og bikini sa dagat. Mag-shorts kung maglakaw-lakaw. Dili lang kalimtan ang pagpahid og sunblock.
6. Kung kalit nga mausab ang panahon ug dunay uwan-uwan, suroy sa mall o kaha tan-aw og sine.