CEBU, Philippines — Hingpit nga gibuksan sa kagamhanan sa Siyudad sa Mandaue ang gitawag og Warrior Market nga gisalmotan sa mga drug warriors.
Klase-klase sa pagkaon sama lechon, barbeque, siomai, ug uban pa ang gitinda sa Warriors Market sa Mandaue City.
Si Mandaue City Mayor Jonas Cortes ug uban pa nga mga opisyal sa kagamhanan ang nagpasiugda sa maong kalihokan sa mga drug warriors nga maoy kabahin sa kalihokan sa Drug Abuse Prevention and Control Week 2023.
Gi-ablihan sa mga opisyales sa Mandaue City ang Warriors Market alang sa mga paninda sa nagkalain-laing grupo sa mga drug warriors nga gisuroy usab ni mayor Cortes.
Sa nasayran nga dugang tulo ka mga barangay sa siyudad ang gideklarar nga drug cleared karong tuiga.
Kini mao ang Cambaro, Canduman ug Barangay Casuntingan sa maong dakbayan. Nasayran mokabat sa 13 ka barangay sa siyudad sa Mandaue ang una na nga gideklarar nga drug cleared.
Ang gipahigayon nga Drug Abuse Prevention and Control week ubos kini sa pagpasiugda sa Mandaue City Substance and Prevention Office.
Ang kalihokan suportado sa kapolisan nga gipangulohan ni PCol. Maribel Getigan, DEPED, pinangulohan ni Dr. Bianito Dagatan, mga Barangay Captains, BADAC Officers, ug City Health Office. — MEL (BANATNEWS)