Adventure-serye ni  Ruru sugdan karong gabii

CEBU, Philippines — Mosikad na karong gabii sa  Philippine primetime TV  ang bag-ong Kapuso series nga nag-ulohan og "Lolong" nga pagabidahan ni  Ruru Madrid.

Mao kini ang labing bag-o nga gidalit sa GMA Public Affairs nga naghisgot sa talagsaon nga sitwasyon, ang panaghigalaay sa tawo ug buaya.

“This is my 10th year in showbiz at ito ang project na ibinigay sa akin. I’m just very lucky at ganito kaganda ‘yung materyal namin, ganito kaganda ‘yung cast. I learned so much from the show,” matud pa ni  Ruru.

Kauban ni Ruru sa maong proyekto ang ubang Sparkle artists nga sila si Shaira Diaz ug Arra San Agustin.

Atol sa mediacon , gibutyag ni Ruru nga dakong garbo alang kaniya nga mahatagan og dili basta -basta nga proyekro busa ipaneguro gyud niya nga masuklian kini og positibong resulta. Ang kinabuhi ni Lolong  kay pagatuyokan usab  sa mga karakter  sa powerhouse cast members nga sila si Christopher de Leon, Jean Garcia, Bembol Roco, Malou de Guzman, Rochelle Pangilinan, Paul Salas, ug Ian de Leon.

Nalakip usab niini sila si Marco Alcaraz, DJ Durano, Mikoy Morales,  Maui Taylor, Gina Pareno, Pokwang, Mon Confiado, Ryan Eigenmann, Leandro Baldemor, ug  Abby Viduya.

 Samtang si Christopher sa iyang bahin ,nakita gyud niya kun unsa ka lingaw ang maong Kapuso series.

“This is going to be a very entertaining teleserye, I am sure of that. This is going to be a roller-coaster ride for everyone. I am proud of this project,” nagkanayon si Christopher.

Sila si Rommel Penesa ug Conrado Peru ang mga direktor sa maong drama series.

Ang ideya sa maong "crocodile-themed drama series"  kay nagikan sa award-winning broadcast journalist nga si  Jessica Soho  ug sa  Assistant Vice President for GMA Public Affairs nga si LJ Castel.

Kahinumdoman nga puros nagmalampuson ang mga drama series nga gi-produce sa GMA Public Affairs, kini sama sa   “Inday Will Always Love You,” “One of the Baes,” “Owe My Love,” ug  “Love You Stranger”.

Romnick misaludo sa KathNiel

Nakita gyud  ni Romnick Sarmienta  ang pagsinuportahay  nila ni Kathryn Bernardo ug Daniel Padilla sa usag-usa bisan paman luyo sa kamera.

Nisaludo usab siya niini gumikan sa pagkamapaubsanon sa KathNiel.Nakatrabaho ni Romnick and duha sa Kapamilya series nga “2 Good 2 Be True".

Dugang pa sa aktor nga nakita gyud niya sa  KathNiel ang pagpangga sa mga katrabaho niini ug dili gyud kini arte.

“Pagdating sa hotel, nakikita namin wala silang pinipili na kasama. Lahat parte ng pamilya which is something very refreshing. May mga nakita na rin kasi ako sa trabaho na iwas sa iba. Walang ganun sa KathNiel,”matud pa ni Romnick. (Sanden J. Anadia)

"Rooftop" nanghadlok na!

Nilugwa na sa Vivamax dili pa lang dugay ang horror-thriller nga "Rooftop" nga gibitoonan nila ni Ryza Cenon, Marco Gumabao, Ella Cruz, Marco Gallo, Rhen Escaño ug Andrew Muhlach.

Istorya kini sa mag-barkada nga nakalangkat og dili maayo nga desisyon sa pipila ka mga butang. Wala nila  damha nga dunay peligrong mahitabo  nga resulta sa ilang gipangbuhat.

Kahinumdoman nga nalakip pud ang maong pelikula sa bag-ohay lang nga Asian Horror Fest sa  SM Cinemas. 

Duna pu'y espesyal nga partisipasyon niini ang aktor nga si Epy Quizon. Si Yam Laranas ang direktor niini kinsa mao usab ang naghupot kaniadto sa award-winning horror movies nga Sigaw, The Road, Aurora ug uban pa.

Sa pagsikad niini sa Vivamax niadtong Hunyo 17, nakadawat dayon kini og mga positibong feedback.

Sanya nataypan ni Kirst

Nagpanikad na ang bag-ong Sparkle artist nga si Kirst Viray  sa umaabot niya nga mga proyekto sa GMA-7. Gipangandoy ni Kirst nga makauban niya sa proyekto ang iyang crush nga si Sanya Lopez. Ang latest project ni Kirst sa GMA mao ang Bolera nga gibidahan nila ni Kylie Padilla, Rayver Cruz, ug Jak Roberto.

Gihimong kataw-anan

Kataw-an ra ni Ellen Adarna ang mga babaye nga mo-flirt ug magpadala og mensahe ngadto sa iyang bana nga si Derek Ramsay.

Nagkanayon si Ellen nga gihimo ra nila ni Derek og kalingawan ang mga mensahe nga nadawat niini.

Ang maong topic kay niulbo gumikan sa pangutana sa usa sa iyang mga follower.

“Ambot, pasagdan ra day, kay sa akong experience with Derek, daghan magsigeg message niya nga mga babaye niya ipakita na niya nako.Mura na nag-entertainment namo, kay kataw-unon man ang uban. So pasagdan ra jud, entertainment," tubag pa ni Ellen atol sa iyang “Ask me a question" sa iyang social media account.