Nabaskog sa pag-ampo

Nakatambong gyud si Superstar Nora Aunor sa tribute ceremony nga gipahigayon sa Cultural Center of the Philippines may labot sa hingpit na niyang pagkahimong National Artist for Film. Maoy giampo sa mga taga showbiz ug sa iyang mga fans nga makatambong unta si Nora sa maong seremonyas  human nabalita nga aduna kini gihambin nga balitaan hinungdan nga wala niya personal nga nadawat didto sa Malacanang ang iyang pasidungog. “Nitong mga nakaraang araw sinubok po uli ako ng isang karamdaman kaya po hindi ako nakadalo sa Malacanang. Ngunit nagiging malakas po ang pakiramdam ko dahil sa mga dasal ninyo. Salamat po sa pag-aalala at pagpaparating ng inyong mga mensahe. Utang na loob ko po sa inyong lahat ang ang buhay at sining na minahal ninyo po sa isang Nora Aunor simula po nung nakipagsapalaran ako na umawit at sinuong ang buhay ng pelikula ilang dekada na ang nakakaraan.”

“It’s Okay not to be Okay”

Giklaro ni Maxine Magalona nga okay ra siya. Kini human na alarma ang iyang mga higala ug followers dihang nag-upload siya og video clip nga naghilak ug may caption nga ‘current mood” samtang madungog nga background ang kanta ni Adele nga Easy On Me. Matud ni Maxine, iyang gi-compile ang iyang video sa nilabay nga tuig niadtong mga higayon nga makahilak siya apan wala siya nasayud ngano. Niadtong nilabay nga adlaw lamang niya gi-upload kay nakahilak na sab siya ug daw gihunghungan siya sa Ginoo nga i-upload ang maong video kay daghan ang maka relate. Matud ni Maxine nga okay ra gyud nga dili kita okay usahay, ug dili maayo nga iluom kini, kundili, angayan nga ipahungaw. Wala gitago ni Maxine nga nahiagom siya og mental health issues sa nilabay nga tuig, taliwala sa tsika kaniadto nga nagbuwag na sila sa iyang bana nga si Rob Mananquil. Bag-ohay lamang nahuman ang teleserye nga naapilan ni Maxine sa ABS-CBN, ang Viral Scandal.