Dili mag-GMA7!

CEBU, Philippines — Gituldukan sa usa ka suod ni Sarah Geronimo nga tinubdan sa PEP Cabinet Files ang tsika nga mobalik na sa GMA7 ang nahisgutang Pop Star Princess. Suma pa, wala kini katinuoran. Ang tsika sa mga nilabay nga adlaw mao nga nakuha na sa GMA7 ang rights alang sa The Voice Philippines, ug nga una nilang himuon mao ang kids edition diin si Sarah, kinsa usa sa mga judge/mentor niini sa ABS-CBN ang lakip sab matud pa nga molugwa sa maong show puhon. Apan suma pa, dili kini tinuod sanglit sunod bulan mobalik na si Sarah sa ASAP Natin To. Hinuon, kausa sa usa ka bulan lamang una siya makita gumikan kay gawas nga nalingaw siya sa ilang farm sa iyang bana nga si Matteo Guidecelli, ma-busy sab siya alang sa iyang bag-ong album. Kun mahinayon pa unta, maisip nga mobalik si Sarah, sanglit nahimo na siyang guest performer sa SOP, ang Sunday variety show sa GMA7 niadtong 2003.

Wow, Dimples!

Usa sa mga nahimong jurors o hurado sa umaabot nga International Emmy Awards ang Kapamilya star nga si Dimples Romana. Ang aktres, nga naa sa teleserye nga Viral Scandal maoy nipahibawo niini niadtong Lunes. Suma pa ni Dimples, pipila ka bulan na niyang nadawat ang maong grasya ug karon mahimo na gyud niyang ipaambit sa publiko ang maong balita.  “Starting this amazing week with a heart full of gratitude as I share with you one of the many surprise blessings I received these past months! And now finally I can officially share my joy with you. So honored and grateful to have been able to participate as a JUROR for this year’s prestigious International Emmy Awards Competition.” Suma pa sa PUSH, ikaduha na kining higayon nga nahimong hurado si Dimples sa Emmys. Ang una, nahitabo niadtong 2020. Gitakdang mulupad si Dimples paingon sa New York sa November alang sa awarding ceremony.

Napataas ang Standard

Isip usa sa duha ka mga directors sa toptrending series nga The Broken Marriage Vow sa ABS-CBN, gideklara ni direk Andoy Ranay nga ang legacy o kabilin sa maong serye sa industriya mao nga gi-isa niini ang barometro sa paghimo teleseries. “I believe dun sa pagtaas ng standard natin and to compete globally as Filipino filmmakers. Sa akin mas yun eh. Kung dati ang inaabangan ng mga Pilipino ay yung sampalan, dito wala ka namang makikitang nagsampalan, nagsabunutan na confrontation. Wala namang mga ganun eh. But as a filmmaker o gumagawa ng mga teleserye, naiangat na natin at this point kung paano tayo nagkukuwento ng teleserye via a global brand that is Doctor Foster. So pagdating ngayon nakaka-stress din at nakaka-pressure din para sa susunod kasi kailangan mas maganda na dito or parang hindi na tayo puwede bumalik sa dati for us to compete globally and also to be recognized as well sa digital platform all over the world. Para hindi lang tayo sa buong Pilipinas lang, madami pa tayong audience na kailangan maabot. I guess yun yung pagtaas ng standard ng paggawa ng isang teleserye sa series natin.” Karon semanaha mahuman ang maong serye nga gibituonan ni Jodi Sta. Maria, kauban nila ni Zanjoe Marudo ug Sue Ramirez.

Liza, mag-singer

Hingpit na nga nipirma og kontrata si Liza Soberano sa Careless Music niadtong Lunes, June 20. Gumikan niini, gipaabot nga mohimo sab siya og album sa maong record label. Una na nga nabalita sa nilabay nga bulan nga si James Reid na maoy manager ni Liza sanglit mas adunay koneksyon ang actor aron makasulod ang aktres sa Hollywood nga mao gyuy pangandoy niini. Si James maoy tag-iya sa Careless.

KimXi again

 Adunay reunion movie ang magka relasyon nga sila si Kim Chiu ug Xian Lim. Mahitabo kini ubos sa Viva Films. Si Xian maoy nipahibawo niini pinaagi sa Instagram niadtong Lunes, pinaagi sa pag-upload og hulagway nila ni Kim nga tataw nga kuha sa usa ka pictorial set sa maong pelikula. Caption ni Xian niini,  "I missed sharing the big screen with you,” diin iyang gi-tag si Kim. Gi-share sab sa It’s Showtime host ang maong post ug may caption nga, “it’s been a while.” Katapusan sila nga nagpares sa pelikula niadtong 2015, pinaagi sa “All You Need Is Pag-ibig.” Katapusan nilang teleserye mao ang “Love Thy Woman” niadtong 2020. Anaa na sa GMA7 si Xian, diin bag-ohay lamang nahuman ang iyang unang proyekto nga mao ang False Positive kauban si Glaiza de Castro.

Dili mogasto para sa laki...

Gidepensahan ni Madam Inutz  o Daisy Lopez sa tinuod nga kinabuhi ang iyang uyab nga si Tantan nga usa ka macho dancer.  Suma pa sa kanhi, Pinoy Big Brother Kumunity 10 housemate sa iyang vlog niining bag-o lang, nagkaila sila ni Tantan gumikan kay nagtrabaho kini sa club nga gipanag-iya sa iyang talent manager nga si Wilbert Tolentino.

Matud niya, dili tanang mga nagtrabaho sa club, dautan. Suma pa niya, siya mismo, nagtrabaho sa club kaniadto isip entertainer apan aduna siyay bulawanong kasingkasing alang sa iyang pamilya. Niya pa, walay katungod ang si bisan kinsa nga muhukom sa iyang isigkatawo.

“Kahit anong klase ng trabaho, hindi mo dapat ikahiya. So, hindi niya dapat ikahiya iyon at hindi ko dapat ikahiya kung saan ko nakilala. Never ko ikinahiya naging entertainer ako. Never ko ikinahiya na kung ano man ang klase ng trabaho ko kasi trabaho iyan. At least, nagsusumikap, kumikita ng sarili nilang pera at sinusuportahan ang pamilya,” niya pa.

Gisalikway ni Inutz ang kabalaka nga pangwartahan lamang siya sa maong lalaki. Dili matud pa siya mogasto og lalaki. Dili sab siya tantong bogo.

“Hindi ako ganoon kabobo, hindi ako ganoon kagago, or hindi ako ganoon katanga para magpagamit. Siguro naman nasa tamang edad na ako. Baka kasi iniisip niyo sobrang pagkatanga ko, hindi ko muna kinikilala yung tao. At the moment, ini-enjoy namin yung kung ano yung samahan naming dalawa.”