‘Triple Logoman’ card ni LeBron nahalin og P120M
CEBU, Philippines — Ang usa ka talagsaong trading card ni LeBron James nahalin sa makabungog nga kantidad nga $2.4 million kon P120 million.
Napalit ang “Triple Logoman” card ni James sa wala ginganlan nga collector niadto lamang Dominggo.
Ang maong partikular nga card ni James kabahin sa 2020-21 "Flawless" collection sa Panini. Duna kini NBA logo patch sa tulo ka lain-laing uniporme ni LeBron uban sa Cleveland Cavaliers, Miami Heat, ug Los Angeles Lakers.
Ang mga opisyal sa Goldin, nga maoy nagpadagan sa subasta, nangagpas sayo ning bulana nga ang maong card makakuha sa labing dako nga presyo sa usa ka trading card.
Apan layo ra kini sa tinuod.
Ang record nagpabilin sa $6.6 million nga nabayad alang sa usa ka Honus Wagner trading card sa miaging tuig.
- Latest