Kapalaran ni Kai Sotto masayran karon sa NBA Draft
CEBU, Philippines — Si Kai Sotto nagtinguha nga mamahimong labing unang Pinoy nga makaduwa sa NBA.
Mohimo kaha siya og kasaysayan?
Ang kapalaran ni Sotto masayran karong buntag sa giatngan nga 2022 NBA Draft nga manukad didto sa Barclays Center sa Brooklyn, New York.
Dili lamang si Sotto apan hasta sab ang tibuok nasudnong Pilipinhon ang mag-atang uban ang tumang kahinam kon matawag pa ang pa pangan ni Sotto ni NBA Commissioner Adam Silver sa unang hugna o dili pa ni deputy commissioner Mark Tatum sa ikaduhang hugna.
Si Jonathan Givony, ang NBA Draft expert sa ESPN nga mao sab ang founder ug co-owner sa Draftexpress.com, wala kaayo mihatag og tsansa ni Sotto nga mapili sa Draft apan gipabilin niining abli ang pultahan alang sa Pinoyng basketbolista nga makasud sa liga.
“I have not heard his name very much from teams drafting in the second round. But that
doesn't mean that something couldn't happen on draft night,” matud pa ni Givony sigun sa taho ni Alder Amo sa Philstar.com.
“I know, he's only 20 years old, like Bobby (Marks), and I keep reiterating, there are multiple
ways to make the NBA now, even if you don't hear your name called. And so, I expect
him to be a guy that teams will continue to monitor throughout his career because he's a very highly
touted guy early on, and I think there's still some upside there left to tap into,” dugang pa ni Givony.
Si Sotto mihuman sa iyang work out uban sa Indiana Pacers niadto lamang Miyerkules.
Naka-apil sab siya og mga group workouts sa New York Knicks, Cleveland Cavaliers,Chicago Bulls, Atlanta Hawks, Sacramento Kings, ug Los Angeles Clippers.
Sa walo ka NBA teams nga iyang gibisita, si Sotto dunay labing maayong tsansa sa Kings.
Sa wala pa mideklara sa iyang kaugalingon alang sa NBA Draft, si Sotto nagpakitang gilas uban sa Adelaide 36ers diin siya mi-average og 7.5 puntos ug 4.5 rebunds sud sa 15 minutos matag duwa.
- Latest