Yulo misidlak unang torneyohuman sa Olympics
CEBU, Philippines — Mihimo og kasikas ang Pinoy’ng gymnast nga si Carlos Yulo sa una niyang kompetisyon sukad siya mipakita'g aksiyon sa Tokyo Olympics.
Kini human si Yulo misakmit og duha ka medalya sa 2021 All Japan Senior and Masters Gymnastics Championship.
Si Yulo misidlak sa paborito niyang event nga floor exercise diin siya milangkat og gold medal human mi-iskor og 15.30.
Pakyas hinoon siya pag-abante sa finals sa maong event sa Tokyo Olympics.
Sa laing bahin, si Yulo milabni sab og bronze sa vault bitbit ang iskor nga 15.
Kahinumduman nga si Yulo hapit maka-medalya sa vault sa Tokyo Games.
Ang pagsalmot ni Yulo sa All-Japan Championship kabahin sa iyang preparasyon alang sa FIG Artistic Gymnastics World Championships nga gikatakda karong Oktubre didto gihapon sa Japan.
- Latest
