Ang krusipiho sulod sa akong kwarto

Sulod sa akong Kwarto akong gipataud ang krusipiho. Matag mata nako kada buntag akong himoon ang pagyukbo niini. Kuyog usab sa maong pagyukbo mao man ang pagpamalandong ning mosunod:

1. Ang kaayo ug Gugma sa Ginoo nga dili hitupngan. Apan unsa ba ang akong balos? Kapintas?

2. Ang pasaylo Niya apan gibaslan og pagdumot.

3. Ang kalumo Niya nga akong gibaslan og katig-a.

4. Ang iyang pagpaubos nga akong gibaslan og pagkamapahitas-on.

5.  Ang iyang kahilom nga akong gibaslan og walay hinungdang kasaba,

6. Ang dalan sa kaluwasan nga iyang gitanyag apan man mas gipalabi sa kadaghanan ang dalan sa kalaglagan.

7. Ang bag-ong kinabuhi nga iyang ganti apan mas giinom ang hilo sa kamatayon.

Sa kahilom akong gitutokan ang Ginoo nga gilansang. Daghang mga butang nga nibadhas badhas sa akong hunahuna ang mga pangutana sama sa:

1. Kun Ginoo siya nganong wala man siya’y nahimo? Apan ang tubag mao nga ang binhi nga iyang gitisok ug iyang gialimahan pinaagi sa iyang dugo nagpabiling buhi hangtud karon.

2. Biktima ra gyud siya sa mga salbahis nga mga pariseo ug mga Pangulong Pari sa iyang kapanahonan nga nasina kaniya sa hilabihan. Hangtud karon mas gipili sa kadaghanan si Barabas.

3. Ulaw ang maong kamatayon? Sa mata nga tawhanon Oo apan alang sa usa ka yanong Kristohanon nga dunay halawom nga pagsabot sa pagtulon-an ang maong kamatayon usa man ka pagdaug.

Ang Santos nga Misa dili lang pasalamat kondili usa usab kini ka sakripisyo nga padayong gihalad sa altar. Timaan nga ang Dios nakigkukabildo kanatong  mga tawo pinaagi sa mga timaan nga liturhiko. Unta, mamahimo pa gyud unta kining solemne dili lang pakapin aron I fit in sa atong tawhanong mga kasaulogan ug kalihukan. Gihagkan nako kini ug sa hilom niingon: Crux Stat Dum Volvitur Orbis.