Data gathering

Sa nilabay nga District Meeting gipahimug-atan sa CEBU CARITAS INC. ang pagkuha og data kun data gathering sa mga Parokya nga nabiktima sa Bagyong Odette. Gikinahanglan kini aron sa ingon mamahimong mas mapasayon ang pagbahin bahin sa ayuda.

Sa laing bahin, nindot kini nga pamaagi aron mismo diha sa parokya mamahimong lig-on ug established ang data kun maghisgot ta og figures. Sa laing bahin, daghanan gyud ang may tinguha nga mohalad sa kaugalingon ug sa ilang bahandi ngadto sa mga nabiktima sa katalagman.

Sa laktod, dunay panaghiusa sa tinguha ug pagbati apan walay tataw nga coordination. Pun-an pa sa ubang mga tawo nga buot mopahimulos sa higayon. Ang uban kanila tungod kay naka solicit man mao nga nikobra pud alang sa ilang kaugalingon pinaagi sa paggamit sa mga biktima ug sa sitwasyon gyud mismo.

Makaingon ta nga ingon ana gyud ka mapahimuslanon ang tawo. Pun-an pa sa ubang politiko nga gihimong apil sa ilang politikanhong agenda. Motabang man tuod apan mamolitika una. Sakit apan maoy matuod. Mao nga ako personally kun dunay maabot, among gipangkamotan nga mahatag dayon ang tanan ngadto unya ang mga ayuda ug dili na hinuon magamit. Bati kun ang parokya maoy mapasanginlan kun mamahimong basura na lang ang tanan.

Gawas sa among gihimong data gathering in figures, amo pud gihimo ang data gathering personal experiences. Kini tungod kay sa among gihimo pud nga pagduaw sa panimalay kuyog sa mga seminaristas, nahimong nadungog ang tagsa tagsa ka mga narratives. Gituyo kini tungod kay usa man kini ka matang sa therapy aron mapagawas ang pagbati human sa bagyo.

Ang mga nakat-onan nato gikan sa maong katalagman makapalig-on unta sa atong kaugalingon ug sa atong katilingban sa taliabot pa nga mga katalagman. Mao nga mahinungdanon gyud ang data aron dunay sistema ang matag ayuda ug dili lang kay mopatuyang og salida.