Nagdisturbo sa videoke sa silingan

Dear Atty. Divine,

Bag-o lang mi nga mibalhin og puyo kay nakapalit mi og house and lot niadtong miaging buwan. Dili kaayo sikit ang mga balay sa amo karong gipuy-an, apan naa mi silingan nga kusog kaayo mopatingog sa iyang videoke bisan panahon sa kagabhion. Madisturbo ang mga bata nga matulog kay grabe gyud ka kusog ang iyang sound system. Maglisud sab mi pagbadlong kay basin og masuko unya kami na hinuon ang awayon. Unsay angayan namong buhaton?Daghang Salamat. — Liza

* * *

Dear Liza,

Tungod kay nakadisturbo na sa mga bata ang kusog nga sound system sa imong silingan mamahimo kini nimong ireklamo sa barangay aron ang barangay na ang mobadlong kaniya. Hinuon, kining videoke ang purpose ani for recreation ra man or lingaw lingaw busa dili kini makahatag og kadaut sa ubang tawo lakip na sa mga silingan gawas lang sa kusog nga volume niini. Busa ang maayo nimong buhaton karon, hangyuon ang barangay nga pasultian ang imong silingan nga hinayan ang iyang sound system sa videoke aron di siya makadisturbo sa uban. Katungod man sab na niya nga magkanta-kanta apan kinahanglan sab nga iyang siguruhon nga di siya makadisturbo sa uban ilabi na panahon sa kagabhion. Common na nga problema sa mga barangay so I think kahibawo na ang mga opisyal unsaon pagsulbad ang maong problema. Thank you and God bless. — Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana, pinaagi sa akong column matag Miyerkules, Sabado ug Domingo.