Upat ka department heads sa probinsiya niretiro na
CEBU, Philippines — Upat ka department heads sa Probinsiya sa Sugbo ang niretiro na sa ilang katungdanan. Gibutyag ni Gobernador Gwendolyn Garcia nga apil sa niretiro sila si Dr. Christina Giango, pangulo sa Provincial Health Office; Ramon Dumayac, provincial accountant; Marivic Garces, hepe sa Provincial Social Welfare and Development Office (PSWDO) ug Noli Valencia, provincial administrator.
Matud ni Garcia nga si Valencia usa ka co-terminus nga hepe apan wala na kini modayon pa sa laing termino sa gobernador tungod sa panglawas. Sa PHO, ang officer-in-charge karon si Rannie Corazon Pepito-Gravador nga girekomendar ni Giango.
Si Garcia nagkanayon nga gusto niya nga ang mangulo o mohulip kang Valencia susama usab kaniya nga adunay “institutional knowledge”.
“Well I will not doubt your competence but you have to make up for your institutional knowledge” matud ni Garcia.
Sa Provincial Accounting Office naghulat usab si Garcia sa rekomandasyon ni Dumayac kon kinsay mopuli kaniya. BDB (BANATNEWS)
- Latest
