Welder nakuryentihan sa gitrabahoang barko patay
CEBU, Philippines — Patay ang usa ka 35- anyos nga lalaki nga nakuryentihan samtang nagtabas sa barko diha sa shipyard nga iyang gitrabahoan sa dalan Rizal sa Barangay Suba sa Siyudad sa Danao alas- 8 pasado ang takna sa buntag niadtong Huwebes Hunyo 30, 2022.
Si Staff Master Sergeant Renante Manulat, field investigator sa Danao City Police Station miila sa trabahante nga nakuryentihan nga mao si Julius Capuyan Laurel, 35, molupyo sa Barangay Binaliw sa siyudad sa Danao
Matud pa ni Manulat base sa giasoy sa trabahante nga si Estelito Avila, 37, nag-cutting ang biktima gamit ang welding machine sa dihang kalit kining mikirig.
Matud pa nakurentehan kini kay aksidenteng nahikapan ang live wire.
Dali untang gidala sa Danao Provincial Hospital si Laurel apan gideklarar kini sa mga doktor nga Dead on Arrival. —/IBM (BANAT NEWS)
- Latest
