Lungsod sa San Fernando nipahigayon og simulation exercise

CEBU, Philippines — Si Mayor Lakambini Reluya sa Lungsod sa San Fernando uban nila ni Fire Inspector Shoji Mendaros, Fire Marshall sa lungsod, lakip ang Municipal Disaster Risk Reduction Management Office ug mga uniform personnel nipahigayon og simulation exercise sa pagresponde kong ugaling adunay linog nga motumaw.

Ang Lungsod sa San Fernando naila usab kini nga industrial hub sa probinsiya hinungdan nga ang Local Government Unit uban sa Bureau of Fire Protection nipahigayon og tulo ka adlaw nga Incident Command System niadtong Disyembre 1 ug 2, 2021 aron sa pag-refresh sa mga partisipante.

Kagahapon gihimo dayon ang Mass Casualty Incident diha sulod sa Taiheyo Cement sa lungsod diin ang senaryo naglangkub sa pag-igo sa dako nga linog.

Matud ni Mendaros nga ang simulation exercise usa kini ka hiniusa nga pagtubag sa tanang emerhensiya.

Mapasalamaton usab si Mendaros sa suporta nga gihatag sa LGU ilabi na kang Reluya kinsa maoy nagsilbing responsible officer atol sa maong simulation exercise.

Aduna mga opisyal usab gikan sa Office of the Civil Defense nga maoy nisaksi sa gipahigayon nga kalihokan. BDB (BANATNEWS)