Nagparehistro sa COMELEC Talisay midaghan
CEBU, Philippines — Nidoble na ang gidaghanon sa mga tawo nga magparehistro sa Commission on Election (COMELEC) sa Dakbayan sa Talisay.
Kini nonot sa nagkaduol nga deadline nga gipatuman sa COMELEC karong Septiyembre 30.
Si Mary April Gamboa, assistant election officer nibutyag nga gikan sa 100 ka tawo ilang matagad matag adlaw nahimo na kining 200.
Hinungdan nga makita na ang presensya sa kapulisan ingon man pagdugang og mga job order nga kawani nga magmonitor sa mga tawo nga modagsa sa buhatan nga motuman gihapon sa health protocols.
Si Gamboa nitataw nga dili bag-o nga botante ang nagdaghan sa pagrehistro kundi mga transferee tungod kay daghan naman nga subdivision sa siyudad.
Tambag niya sa magparehistro nga mag online na daan aron diritso na o paspas na inig abot sa buhatan.
Dugang pa ni Gamboa nga limitahan lang sab nila nga modawat og 500 ngadto sa 600 ka mga tawo diha sa ilang buhatan matag adlaw. —MEL (BANATNEWS)
- Latest
