Tricycle driver niuli og kwarta ngadto sa police station
CEBU, Philippines — Usa ka matinud-anon nga tricycle driver ang niturn-over sa iyang nakit-an nga kwarta ngadto sa Daanbantayan Police Station.
Ang maong driver mao si Chriscille Monteclar nga nakapunit ug kwarta sa iyang gimaneho nga tricycle sa may National Road, Sitio San Vicente, Poblacion, Daanbantayan Cebu.
Si Monteclar nga taga Barangay Pajo sa nahisgutang lungsod miadto sa Police Station aron pagturn-over sa kwarta nga iyang nakit-an.
Sumala pa ni Monteclar, samtang nagmaneho siya sa iyang motor, iyang nakita ang maong kwarta sa lingkoranan sa iyang pasahero.
Gisiguro pag-uli ni Monteclar ang maong kwarta tungod kay sayod siya aduna kini tag-iya ug adunay nanginahanglan niini.
Ang kapulisan niawhag sa tag-iya ug sa nawad-an og kwarta nga personal nga mobisita sa Daanbantayan Police Station. —MEL (BANATNEWS)
- Latest
