CEBU, Philippines — Nagpahinumdom ang Police Regional Office (PRO) -7 nga dili magpabiktima niining nga mapahimuslanon sa kahigayonan ilabi na niining pag obserbar sa Adlaw sa Kasing-Kasing karong Pebrero 14, 2024.
Si Police Lieutenant Colonel Gerard Ace Pelare, tigpamaba ni PRO-7 Regional Director Brigadier General Anthon Aberin miingon magbantay niining magpakaaron ingnon nga available boyfriend apan diay dunay dautang tuyo. Nanawagan kini sa katawhan nga mahimong responsable sa pagkig-istorya sa mga tawo ilabi na sa social media ug ubang plataporma nga gamiton sa mga dautang tawo aron makapang biktima.
"Ang inyong Police Regional Office-7 mag bantay kaninyo during the Valentine's Day, of course mag celebrate sad mi sa among Valentine's Day but we want to appeal that everyone must institute precautionary measure," sigon ni Pelare.
Giklaro sab niini nga wala sila'y na-monitor nga hulga dungan sapag-ingon nga ang Central Visayas kay hapsay ug luwas.
Kung duna may security challenges minor lang kini ug kun dunay krimen mahitabo mando gyud ni PRO-7 Regional Director Brigadier General Anthony Aberin nga kung dili man mapugngan kinahanglang masulbad kini dayon. (BANAT NEWS)