CEBU, Philippines — Niabot ngadto sa 43 ka elementarya ug 206 ka junior high school ang nigradwar sa Alternative Learning System (ALS) program karong tuiga sa Lungsod sa Barili.
Gihangop ni Mayor John-John Garcia nga nidaghan ang completers karong tuiga itandi sa 193 nga completers sa niaging tuig diin 166 niini ang junior high school ug 27 ang sa elementarya.
“Gipamatuod sa ALS nga naay gyu’y chance ang tanan nga makahuman sa ilang pag -eskwela”, matud ni Garcia.
Ang ALS usa kini ka parallel learning system nga naghatag og oportunidad sa mga out-of-school youth ug mga aduna nay edad o adult learning nga makapadayon sa pag-eskwela.
Ang LGU, uban sa Department of Education (DepEd) Barili ug mga opisyal ug pamilya sa mga completers ni-welcom sa maong mga completers. (BANAT NEWS)