Tulo ka ahensiya sa gobiyerno uyon ipabalhin

CEBU, Philippines — Dugang tulo ka mga government agencies nga ang mga opisina anaa nahimutang sa luna sa Probinsya sa dalan Gov. M. Cuenco Ave. sa dakbayan sa Sugbo ang walay pagsupak nga sila ibalhin o i-relocate. Ang Cebu Medical Society niuyon nga ibalhin sa Department of Agriculture (DA) Compound sa Brgy. Guadalupe, Dakbayan sa Sugbo samtang ang  Girl Scouts of the Philippines ug ang National Food Authority niuyon nga adto ibalhin ang ilang opisina Sudlon, Lahug, siyudad sa Sugbo.

Atol sa tigom ni Goberandor Gwendolyn Garcia uban sa mga opisyal sa maong mga ahensya, nauyonan nga ang maong nga ahensya ug ang Probinsya sa Sugbo mopirma og kasabotan aron mapormal ang pagbalhin ngadto sa relocation site.

Aduna sab hinoon mga ahensya nga wala pay desisyon sama sa Population Commission nga naghulat pa sa kamandoan gikan sa ilang central office sa Manila.

Ang National Irrigation Administration ug ang Department of Education’s Applied Nutrition Center wala pa usab mosanong kun mokooperar sa Kapitolyo  kalabot sa offer sa Probinsya nga bakantehon nila ang ilang kasamtangang opisina ug i-relocate sa laing lugar.

Si Garcia nipahimangno sa maong mga ahensya nga ang Kapitolyo isip maoy legal nga tag-iya sa maong mga luna, maoy adunay katungod nga maka-avail sa tanang “legal options.”

Kini sa sa pag demand sa mga ahensya nga mobayad og renta o di ba kaha padad-an og notisya sa eviction o demolisyon. Alang ni Garcia ang offer sa kapitolyo nga relokasyon sa maong mga ahensya usa ka “win-win solution” sa tanang habig.

Sanglit dili ra mahatagan og bag-ong opisina ang mga ahensya mapahimuslan usab sa Kapitolyo ang luna nga gipanag-iya niini alang sa mga planong pagpalambo sa mga yuta nga makahatag og dugang kita sa Probinsya sa Sugbo. —/IBM (BANAT NEWS)