CEBU, Philippines — Libre nga prenatal ingon man cervical cancer screening ang himoon unya diha sa lungsod sa Minglanilla pinaagi sa pakig alayon sa lungsod ngadto sa Cebu South Medical Center.
Si mayor Rajiv Enad nagkanayon nga ang departamento sa Obstetrics ug Gynecology mopalapad sa ilang serbisyo sa ilang lungsod pinaagi sa pagtanyag og libre pa gyud nga family planning, breastfeeding lectures ug cervical screening (VIA-Visual Inspection of Acitic Acid) ug konsultasyon.
Subay niini iyang giawhag ang kababayen-an nga mopahimulos niining libre nga serbisyo.
Ang barangay Tubod maoy mag una karong Marso 29 dayon sa Abril 26 sa Barangay Calajoan, Hulyo 26 sa Barangay Tungkil, Agusto 23 sa Barangay Cuanos, Septiyembre 27 sa Barangay Linao ug Oktubre 25 sa Barangay Campo 7 ug 8.
Mapasalamaton si Enad ngadto sa tambalanan ilabi na ni Dr. Ethel Anne Lariego, kinsa chairperson sa department of Obstetrics and Gynecology sa ilang pakig alayon mahatag ang libreng serbisyong medical sa katawhan. /MEL (BANAT NEWS)