CEBU, Philippines — Miduyog ang kapolisan sa dakbayan sa Sugbo sa pagtimaan sa Penitential 40-day Lenten season nga gasugod kagahapong adlawa pinaagi sa Miyerkules sa Badlis.
Gipahigayon diha sa San Lorenzo Ruiz Chapel sa Cebu City Police Office ang usa ka santos nga misa nga gitambungan sa mga police officers sa CCPO nga nagpabadlis sa ilang mga agtang.
Matud ni Police Lt. Col. Janette Rafter, Deputy City Director for Operations sa CCPO nga sa ilang pagpanarbaho gikinahanglan sa kapolisan ang divine intervention.
"This is just to remind everybody that we always need the divine intervention sa tanan natong kinabuhi dili lamang sa pagpanarbaho", matod ni Lt. Col. Rafter.
Dugang sab ni Rafter kabahin sab kini sa internal cleansing program sa kapolisan aron kadtong mga police nga mahisalaag og dalan nga magiyahan pabalik sa dalan nga matarong. —Decemay P. Padilla/MEL
Sa imbistigasyon sa kapolisan nasuta nga naabtan sa security sa service provider nga sila si Bernardo Pacquiaban ug Raymon Ligutan ang duha ka suspek nga namutol sa mga kable.
Ang gipangkuha sa mga kawatan mao ang 19 ka kable sa PLDT nga adunay gitas-on nga 6 metros matag usa. Narekuber usab ang gabas nga maoy gigamit sa mga kawatan sa pagputol sa mga kable.
Ang mga dinakpan gibalhug na sa bilangguan nga gikatakdang pasakaan og kaso. (BANAT NEWS)