CEBU, Philippines — Gihatagan og pasidungog sa buhatan sa National Police Commission (NAPOLCOM) ang duha ka presinto sa kapolisan sa MandaueCity Police Office (MCPO) tungod sa mga gipasiugdahan niining programa.
Si Atty. Risty Sibay, acting NAPOLCOM-7 assistant regional director nagkanayon nga ang duha ka nahisgutang presinto mao ang Presinto 1 sa Barangay Centro ug Presinto 5 sa Barangay Opao.
Matud ni Sibay nga ang nahisgutang duha ka mga police station maoy hingpit nga nakapatuman sa pagsagop sa Community and Oriented Policing System (CSOPS) pinaagi sa pagpasiugda og mga programa nga mapaduol ang kapolisan ngadto sa katawhan.
Si Sibay nagkanayon nga ang maong programa hingpit nga magpadayon ug kapahimuslan sa mga molupyo sa maong lugar.
Dugang ni Sibay nga ang Police Station 5 adunay gipasiugdahan nga Kapehan sa 5 ug ilang gihiusa ang mga tricycle driver sa gipasiugdahan nga mga programa. (BANAT NEWS)