2 topnotcher sa nursing board regalohan sa mga city officials
CEBU, Philippines — Makadawat og regalo ang 2 ka topnotcher sa November 2022 Nursing Licensure Examinations nga ni graduate sa Cebu Technological University-Cebu City Medical Center College of Nursing.
Kini ang gipahibawo ni Cebu City Mayor Michael Rama atol sa hamubo nga programa human sa flag raising kagahapon sa City Hall.
Madawat sa 2 ka topnotcher mao ang all-expense paid trips to Korea for 2 nga adunay pocket money isip regalo sa Cebu City Officials.
Ang duha mao sila si Phoebe Joy Dingcong Top 8 ug si Carmela Bihag top 10.
Gipasidunggan usab sa siyudad ang mga nipasar sa maong exam nga gikan sa nahisgutang tunghaan.
Base sa social media post ni Konsehal Joel Garganera, gibutyag niini nga ang maong regalo wa pay labot niini ang ubang incentives nga ihatag sa City Hall.
Dugang pa ni Garganera, ang mga city officials maoy personal nga moabaga sa galastohan ug walay gikan sa panudlanan sa kagamhanan nga magamit sa maong incentive tungod kay gikan kini sa mga opisyal ug siya ang maningil.
Sa nasayran ang CTU-CCMC College of nursing dunay 100-percent nga passing rate sa maong exams. (BANATNEWS)
- Latest
