^

Banat Balita

Alegria hinay-hinay nga nibangon human sa epekto sa  bagyong Odette

Rowena D. Capistrano - Banat

CEBU, Philippines — Hinay-hinay na nga nibangon ang lungsod sa Alegria nga usa sa grabeng naapektuhan sa bagyong Odette hapit na usa ka tuig ang nilabay.

Kini ang gitug-an ni Mayor Gilberto Magallon nga nahinabi sa DyRF1215/Banat News

Matud pa ni Magallon, usa sila sa mga labing naapektahan sa bagyong Odette apan kalooy sa ginoo padayon sila nga naka rekober.

Ang mayor nagpasalamat usab ngadto kang Governor Gwendolyn Garcia, uban sa mga nagkadaiyang private ug religious sector sa tabang nga ilang nadawat.

Hinay hinay usab nga naka rekober ang ilang upland areas diin daghan usab sa mga mag-uuma ang naapektuhan tungod sa bagyong Odette niadtong Disyembre sa miaging tuig.

Dugang ni mayor Magallon nga isip bag-ong mayor sa Lungsod gitutukan niya karon ang panginabuhian sa iyang mga katagilungsod nga mao ang pangisda ug panguma, tungod sa tinguha nga makabaton ug food security ang ilang lugar.

Tinguha usab sa mayor nga tudloan ang katawhan sa natad sa negosyo pinaagi sa abag sa mga pribadong institusyon nga mopalambo sa ilang kahibalo ilabi na sa natad sa panginabuhian. (BANATNEWS)

TYPHOON

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with