^

Banat Balita

Paglapas sa VAWC law sa Cebu City nagkadaghan

Sanden J. Anadia - Banat

CEBU, Philippines —  Nabatyagan ang pagsaka sa gidaghanon sa mga babaye ug kabataan dinhi sa Dakbayan sa Sugbo nga biktima sa pagpangabuso apil niini ang pornograpiya.

Mao kini ang rason nga gihingusgan og maayo sa Kagamhanan sa Siyudad sa Sugbo pinaagi sa  Department of Social Welfare Services, ug  Inter-Agency Council vs Child Pornography ang ilang kampanya aron matuldokan ang mga pagdaog-daog ngadto sa kababaenhan ug kabataan.

Gatosan ka mga representante gikan sa nagkadaiyang  government organizations ug non-government organizations ang nitambong sa panagtigom nga gipahigayon diha sa  City Hall Executive Building Social Hall sa niaging adlaw ug gihisgotan ang maong butang.

Gipahimug-atan sa mga mamumulong sa maong programa ang ka importante sa pagtigbabaw sa katungod sa katawhan.

Sa taho sa Cebu City Public Information Office, gibutyag ni Department of Social Welfare Development (DSWD)-7 Regional Director Shalaine Lucero nga usa sa upat ka mga babaye ang nag-antos og pang-abuso ( physical o verbal).

“It is important nga makahibalo ta kung unsa ni sila nga mga kinds of violence so we can stop them during the early stages,” matud pa niya.

Matud pa  nga dunay ubang babaye nga mahadlok mo-report sa ilang kasinatian sa pang-abuso gumikan sa kahadlok nga biyaan sia sa ilang ka-partner.

“That is why we are here, too.  And through this event, we may be able to inspire you to report or encourage you to stand for your rights. Kay kita man gyud ang maalaot kung wala ra ‘tay buhaton,” dugang pa ni Lucero.

Samtang si Police Major Niño Lawrence Ibo of Police Regional Office-7 nga padayon ang ilang pagtambayayong  sa DSWD kalabot sa maong butang.

Gikan niadtong   2016, ang PRO-7 kay nakaumol na og 122 ka mga operasyon nga dunay kalabotan sa Republic Act. 9262, or the Violence Against Women and Children (VAWC) law.

Nakasikop na sila og 81 ka inbidwal gumikan sa paglapas sa maong balaod ,ug niabot usab og 332 ka mga biktima sa trafficking ug ubang pagpangabuso ang ilang na-rescue.

Samtang si  DSWS Focal Person Ananisa Aviso nipadayag nga dunay sila’y gipadangat nga  technical assistance alang sa mga biktima ug lakip na niini ang  psychological intervention.

“Kami sa DSWS naa ra gyud mi, kanunay mo tabang ninyo ug moabag ninyo labi na sa katong mga naka experience ug abuso,” matud pa ni Aviso .

SUGBO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with