^

Banat Balita

Dugang pwersa mobantay sa seguridad sa Talisay

Gabriel C. Bonjoc - Banat

CEBU, Philippines — Moabot sa 40 ka mga police ug militar ang modugang sa pwersa sa pagbantay sa seguridad atol sa kapistahan sa Dakbayan sa Talisay karong buwana.

Suma pa ni Police Lt. Col. Randy Caballes, hepe sa kapolisan sa Talisay nga gikan sa Provincial Mobile Force Company (PMFC) ug sa Armed Forces of the Philippines (AFP) ang makita na unya sa kadalanan.

Siya nagkanayon nga nagmingaw ang kapistahan sa Talisay niadtong 2020 ug 2021 apan karon daghan na ang kalihukan nga gihan-ay sa lokal nga kagamhanan. Gipahibawo usab ni Caballes nga padayon ang ilang curfew sa kabataan.

Samtang duha ka lumba ang ipahigayon karong Dominggo sa Dakbayan sa Talisay.

Kini maoy gipahibawo ni Jonathan Tumulak, pangu sa City of Talisay-Traffic Operation Development Authority (CT-TODA).

Himoon ang lumba sa langoy ug dagan diha sa Barangay Pooc hangtud sa Biasong nga sugdan sa alas 6 sa buntag hangtud sa alas 10 sa buntag.

Samtang himoon sab ang lumba sa bisekleta  diha sa Cebu South Coastal Road (CSCR) habig sa barangay Lawaan 1 hangtud sa San Isidro sugod sa alas 6 sa buntag hangtud sa alas 12 sa udto.

Ang south bound lane himoon kini nga two way aron padayon ra gihapon nga maka agi ang motorista. Apan si Tumulak nitambag nga kung mahimo planohon nalang daan ang mga lakaw nianang orasa aron dili matanggong sa trapiko. Ang kalihukan tipik gihapon sa kapistahan sa Dakbayan sa Talisay nga saulogon karong Oktubre 15. —/MEL (BANAT NEWS)

ARMED FORCES OF THE PHILIPPINES

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with