^

Banat Balita

Magmagahi pagbakwit panahon sa dautang panahon pamultahon

Romeo Limpangog - Banat

CEBU, Philippines — Gitinguha karon sa kagamhanan sa Siyudad sa Mandaue ang pagpahamtang og multa alang niadtong mga molupyo sa danger zone area nga magdumili sa pagbakwit taliwala sa mga hulga nga pagbaha.

Duna karoy giduso nga ordinansahon sa konseho nga mipasar na sa unang pagbasa sa regular session sa konseho nisdtong miaging Lunes Septiyembre 27, 2022 kabahin niini.

Si Mayor Jonas Cortes miingon nga ilang gitinguha ang kaluwasan sa kinabuhi sa mga tawo. Peligroso kaayo ang ilang kinabuhi sa pagpuyo kilid sa mga sapa kun mobunok ang uwan.

Sa nasayran nga pipila ka mga hinungdan nga magmagahi ang mga molopyo ang gibati nilang kabalaka nga mawagtang ang ilang mga butang ug ang pipila niini mahadlok nga dili na makatukod og balik sa luna nga ilang gipuy-an.

Sa unang kalapasan sa maong ordinansahon mao ang pagbayad og multa nga P500  ug P5,000 sa ikaduha o pagkabilanggo og 30 ka adlaw ngadto usa ka tuig.

Niadtong nakalabay nga semana atol sa pagtugpa sa super typhoon Karding didto sa Central Luzon, lima ka mga rescuers sa Bulacan ang nangalumos atol sa pag-rescue nila sa mga nagpuyo sa kilid sa Pampanga River.

Matud pa ang ilang gi-rescue mao kadtong mga pamilyang nagmagahi pagsanong sa pahimangno nga sila pahiklinon una sa mas luwas nga lugar tungod kay mosaka ang tubig sa maong sapa. — /IBM (BANAT NEWS)

FLOOD

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with