13-anyos na headshot sa menor de edad

CEBU, Philippines — Maayong pagka headshot ang usa ka 13- anyos nga lalaki human siya gipusil sa 16 anyos nga lalaki nga maoy gipiyalan sa fishpond sa Purok Sambag, Barangay San Roque, Dakbayan sa Talisay niadtong Biyernes sa gabii.

Si Police Corporal Christopher Lerio, imbistigador sa Talisay City Police Station nibutyag nga ang 13 anyos nga biktima nakadagan pa samtang nipilit ang bala sa luyong bahin sa iyang ulo. Asoy pa niya nga ang suspek nagpangidaron lang og 16 anyos kinsa maoy caretaker sa fishpond.

Sa inisyal nila nga imbestigasyon nga namaling ang biktima gamit ang pukot uban sa iyang mga higala.

Sa pagkakita sa suspek kanila iya kining gisiyagitan ug gikatahog mikuha og .22 air rifle o airgun dayon pusil sa grupo sa batan-ong namaling. Gibana-bana ni Lerio nga 50 metros ang gilay-on sa suspek ug sa biktima dihang iya kining gipusil.

Nagkaratil og panagan ang biktima ug iyang mga kauban samtang siya naigo na sa luyong bahin sa iyang ulo.

Nagkanayon si Lerio nga nidapat gyud ang bala sa ulo sa biktima pero maayo nalang gani kay wala gyud kini nga makasulod sa bukog sa ulo ug igo lang kining mipilit sa panit.

Nakit-an sa mga residente sa dapit ang suspek nga nisuway pa kini og gukod sa biktima ug sa iyang kauban nga nagbitbit sa armas.

Pagkasunod adlaw niana, na rescue sa mga kapolisan ang suspek lakip na ang pusil nga iyang gigamit sa pagpusil.

Matud pa ni Lerio nga ilang giturn-over sa City Social Welfare and Services (CSWS) ang suspek.— IBM (BANATNEWS)